Тралейбус

Трале́йбус^[1] (англ.: trolleybus, ад trolley — кантактны провад, ролікавы токаздымальнік і bus— скарачэнне ад лац.: Omnibus — «[карэта] для ўсіх») — бязрэйкавы транспартны сродак (звычайна пасажырскі) з электрычным прыводам, які атрымлівае электрычны ток ад вонкавай крыніцы. Калі тралейбус назапашвае электраэнергію, ён завецца кантактным электробусам.

Тралейбус
Тралейбус АКСМ-321
Прывад	электрарухавік
Перыяд	з 1912 года
Скорасць	20-60 км/г
Вобласць ужывання	Грамадскі транспарт, гарадскі, прыгарадны
Інфраструктура	аўтамабільная дарога, кантактная сетка

Першы тралейбус «Electromote», Берлін, 1882 год

Грузавы тралейбус вагоннага тыпу КТГ-1 у Львове

Тралейбус атрымлівае электрычны ток ад двухдротнай кантактнай сеткі (падвесныя (тралейныя) дроты) праз штангі таказдыму. Сілкуюцца пастаянным токам напружаннем 500—600, часам 750 В^[1].

Тралейбус выкарыстоўваецца пераважна ў гарадах. Акрамя пасажырскіх існуюць грузавыя тралейбусы (тралейвозы).

Гісторыя

Першыя працы па стварэнню і выкарыстанню тралейбусаў пачаліся ў Германіі ў канцы 80-х гадоў XIX стагоддзя^[2]і першы тралейбус створаны ў 1882 годзе^[1]. Найбольш цяжкай задачай было забеспячэння надзейнага кантакту токаздымнікаў з кантактнай сеткай, якая была вырашана з паляпшэннем пакрыцця дарог^[2]. У СССР першыя тралейбусы створаны ў 1933 годзе^[1], а першая тралейбусная лінія запушчана ў Маскве ў 1934 годзе^[2].

Тралейбус у Беларусі

Першы тралейбус быў пушчаны ў Мінску ў 1952 годзе (65 маршрутаў на 2024 год), у Гомелі — у 1962, у Віцебску — 01.09.1978, у Брэсце — 1981 годзе. Акрамя ўсіх абласных цэнтраў тралейбус ёсць у Бабруйску.