БКМ-333

БКМ-333 — сучленены трохвосевы нізкападлогавы тралейбус вытворчасці Белкамунмаш. Адносіцца да трэцяга пакалення тралейбусаў, распрацаваных заводам. Першы ўзор быў прадстаўлены ў 1998 г. Гады выпуску: 1999, 2002—2004, з 2009 года.

БКМ-33302

У 2011 годзе прайшла невялікая мадэрнізацыя мадэлі: тралейбус атрымаў перапрацаваны салон і прыкметы, характэрныя для АКСМ-321 «Сябар» (пярэднюю частку «Сябар» машыны атрымалі яшчэ ў 2009).

Мадыфікацыі

• БКМ-33302 — абсталяваны тырыстарна-імпульснай сістэмай кіравання двума цягавымі рухавікамі пастаяннага току, якія прыводзяць у дзеянне два вядучыя масты.
• БКМ-33300А — сучленены нізкападлогавы тралейбус, прэзентацыя якога прайшла на ММАС-2006. Яго істотнай асаблівасцю была наяўнасць дызеля IVECO APU 100DIPME (Euro 3) магутнасцю 150 к.с., накапляльных батарэй і цягавага электрарухавіка Skoda 8ML 3550 k/4 магутнасцю 185 кВт^[1]. Дзякуючы гэтаму тралейбус можа рухацца па гарадскіх маршрутах як пры наяўнасці кантактнай сеткі, так і без яе, аб’язджаць участкі абрыву кантактнага провада, выкарыстоўваючы электраэнергію акумулятарных батарэяў або вырабленую дызель-генератарам.
• БКМ-33305 — прататып з двума рухавікамі пастаяннага току. Эксплуатуецца ў Мінску.

БКМ-33300А

БКМ-33305

Зноскі

1. Белкоммунмаш // Грузовик Пресс : часопіс. — 2007. — № 05. (руск.)