Абрам Ільіч Жораў

Абрам Ільіч Жораў (1907, г. Магілёў — 1943) — беларускі скульптар.

Абрам Ільіч Жораў
Дата нараджэння	1907
Месца нараджэння	Магілёў, Магілёўская губерня, Расійская імперыя
Дата смерці	1943
Грамадзянства	Беларуская ССР
Род дзейнасці	скульптар
Вучоба	Віцебскае народнае мастацкае вучылішча
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Жораў (значэнні).

Біяграфія

Нарадзіўся ў Магілёве ў сям’і шорніка і краўчыхі. У сям’і было чацвёра сыноў^[1]. Скончыў у 1929 годзе Віцебскі мастацкі тэхнікум. Служыў у лётнай вайсковай часці ў Гатчыне. Пасля некалькі гадоў жыл у Ленінградзе.

Член Беларускага саюза мастакоў з 1940 года.

У час Вялікай Айчыннай вайны згінуў без весткі ў баях ва Украіне^[2].

Творчасць

Асноўныя творы (гіпс) — «Качагар», «Плытагоны», «Лён», «С. Арджанікідзе ў разведцы пад Барысавам» (усе 1930-я гг.), праект помніка дукорскім партызанам (1940), «М. Ю. Лермантаў» (барэльеф, 1941). Прымаў удзел у афармленні Дома ўрада ў Менску (1932—1934), беларускага павільёна на Усесаюзнай выстаўцы ў Маскве (1939). Пасля вайны работа «Альпініст» знаходзілася каля кінатэатра «Піянер» у Мінску^[2].

Сям’я

У 1935 годзе ажаніўся з Фаінай Плоткінай, меў дачку Святлану^[2].

Зноскі

1. Могилевчане и могилевская жизнь в воспоминаниях(недаступная спасылка)
2. РУБИНЫ ОТ КНЯЖНЫ (нявызн.)(недаступная спасылка). Архівавана з першакрыніцы 12 лістапада 2020. Праверана 12 лістапада 2020.