Абу Мустафа аль-Шэйбані

Абу Мустафа аль-Шэйбані (нар. 1959, Насірыя), таксама вядомы як Хамід Таджыл Фарыд аль-Атабі або Хамід аль-Шэйбані^[1] — лідар іракскай групоўкі «Катаіб Саід аш-Шухада» і сеткі кантрабнадыстаў, якая стала адной з так званых «спецгруп».

Абу Мустафа аль-Шэйбані
Дата нараджэння	1959
Месца нараджэння	Насірыя, мухафаза Ды-Кар[d], Ірак
Грамадзянства	Іран  Ірак
Прыналежнасць	Арганізацыя Бадра (да 2003) Сетка Шэйбані (2003—2006) Катаіб Саід аш-Шухада (з 2013)
Род войскаў	апалчэнне
Камандаваў	Сетка Шэйбані і Катаіб Саід аш-Шухада
Бітвы/войны	Іракская вайна, Грамадзянская вайна ў Іраку, Грамадзянская вайна ў Сірыі

Біяграфія

Нарадзіўся ў 1959 годзе ў горадзе Насірыя.

Падчас праўлення Садама Хусейна збег у Іран^[1]. У выгнанні Шэйбані далучыўся да іракскай шыіцкай апазіцыі, уступіўшы ў шэрагі «Бадры», ваенізаванага крыла Вярхоўнага савета ісламскай рэвалюцыі ў Іраку. Пасля амерыканскага ўварвання ён вярнуўся на радзіму, дзе арганізаваў кантрабанду зброі для шыіцкіх баевікоў. Сетка Шэйбані супрацоўнічала з групоўкай «Асаіб Ахль аль-Хак» Каіса Хазалі і іншымі так званымі «спецыяльнымі групамі». Значную дапамогу кантрабандыстам аказвала спецпадраздзяленне КВІР Ірана «Кодс»^[2].

Мяркуецца, што сетка Шэйбані, акрамя паставак зброі, нясе адказнасць за выбух у ліпені 2005 года ў горадзе Басра, у выніку якога загінулі тры брытанскіх вайскоўца^[3].

12 красавіка 2005 года Цэнтральны крымінальны суд Ірака выдаў ордэн на яго арышт. Улады абяцалі ўзнагароду ў памеры 200 000 долараў за інфармацыю пра месцазнаходжанне кантрабандыста^[4]. У 2006 годзе Шэйбані бяжыць у Іран^[1], але ўжо ў 2010-м вяртаецца назад. Гэта адбылося з нагоды стварэння ў верасні 2010 года кааліцыйнага ўрада прэм’ер-міністра Ірака Нуры аль-Малікі з лідарам шыіцкіх паўстанцаў Муктадой ас-Садрам^[5].

У 2013 годзе Шэйбані ўзначаліў групоўку «Катаіб Саід аш-Шухада»^[6].

Сям’я

• Абу Ясір аль-Шэйбані— малодшы брат, быў яго намеснікам у сетцы кантрабнадыстаў. Схоплены амерыканцамі 20 красавіка 2007 года^[7].

Зноскі

1. United States Department of the Treasury Treasury Designates Individuals, Entity Fueling Iraqi Insurgency Архівавана 28 мая 2010 года.
2. Iran's Hard Power Influence in Iraq (нявызн.)(недаступная спасылка). Архівавана з першакрыніцы 16 лістапада 2014. Праверана 13 ліпеня 2022.
3. BBC Iraq exit strategy still elusive, 21 September 2005
4. GlobalSecurity.org Abu Mustafa al-Sheibani
5. Iraq: Return of Sheibani’s killer squads, Sept. 30, 2010
6. Iran's Foreign Legion: The Role of Iraqi Shiite Militias in Syria (нявызн.). Праверана 9 March 2015.
7. Press Briefing, July 2