Азяроды

Азяроды — нежылая вёска ў Княгінінскім сельсавеце Мядзельскага раёна Мінскай вобласці.

Вёска Азяроды Краіна Беларусь Вобласць Мінская Раён Мядзельскі Сельсавет Княгінінскі Каардынаты 54°43′ пн. ш. 27°04′ у. д.HGЯO Колькасць двароў 1 Насельніцтва 1 чалавек (1997) Часавы пояс UTC+3 Тэлефонны код +375 1797 Паштовыя індэксы 222377 Аўтамабільны код 5 Азяроды Азяроды

Гісторыя

У 1904 г. вёска Княгінінскай воласці Вілейскага павета Віленскай губерні, 167 жыхароў. З 1896 годзе ў вёсцы працавала школа граматы. У 1921 г. у Крывіцкай гміне Вілейскага павета Віленскага ваяводства, 12 двароў, 56 жыхароў. У 1931 г. у Крывіцкай гміне Вілейскага павета Віленскага ваяводства, 11 двароў, 61 жыхар. З 12.10.1940 г. у Княгінінскім сельсавеце Крывіцкага раёна Вілейскай, з 20.09.1944 г. Маладзечанскай, з 20.01.1960 г. Мінскай абласцей, з 25.12.1962 г. ў Мядзельскім раёне.

У 1940 г. 13 двароў, 62 жыхары. У Вялікую Айчынную вайну ў верасні 1943 г. гітлераўцы спалілі 10 двароў, забілі двух жыхароў вёскі. У 1957 г. вёска ў складзе саўгаса «Крывічы» (цэнтр — вёска Княгінін).

Насельніцтва

• 58 жыхароў (1960)
• 1 двор, 1 жыхар (1997)

Вядомыя ўраджэнцы і жыхары

• Фёдар Аляксеевіч Яхімовіч, беларускі патафізіёлаг, прафесар (1946), заслужаны дзеяч навукі Беларусі (1948).

Літаратура

• Ozierody, wieś, powiat wilejski, gmina Rabuń // Słownik geograficzny Królestwa Polskiego i innych krajów słowiańskich. Tom VII: Netrebka — Perepiat (польск.). — Warszawa, 1886. — S. 787.