Алег Вікенцьевіч Луцэвіч

У Вікіпедыі ёсць артыкулы пра іншых людзей з прозвішчам Луцэвіч.

Алег Вікенцьевіч Луцэвіч (16 красавіка 1924(1924-04-16), Дубраўка — 18 ліпеня 2015(2015-07-18), Мінск) — беларускі мастак-графік, педагог. Быў членам Беларускага саюза мастакоў з 1960 года. Брат Эмануіла Луцэвіча.

Алег Вікенцьевіч Луцэвіч
Дата нараджэння	16 красавіка 1924(1924-04-16)
Месца нараджэння	Дубраўка, Беларусь
Дата смерці	18 ліпеня 2015(2015-07-18) (91 год)
Месца смерці	Мінск, Беларусь
Грамадзянства	СССР  Беларусь
Род дзейнасці	мастак
Месца працы	Мінскі дзяржаўны мастацкі каледж імя А. К. Глебава
Вучоба	Віцебскае народнае мастацкае вучылішча
Уплыў на	Міхась Рагалевіч, Алена Бархаткова
Член у	Саюз мастакоў БССР
Медыяфайлы на Вікісховішчы

Біяграфія

Перад пачаткам Вялікай Айчыннай вайны жыў у Пухавічах, дзе і застаўся ў акупацыі. Паўтара года наладжваў сувязі з падполлем і партызанамі. Вясной 1943 года пайшоў у партызанскі атрад імя Суворава 2-й Мінскай брыгады, які дзейнічаў у навакольных лясах^[1].

З ліпеня 1944 года стаў адным з першых супрацоўнікаў Беларускага дзяржаўнага музея гісторыі Вялікай Айчыннай вайны.

Выкладаў малюнак у Мінскім мастацкім вучылішчы.

Супрацоўнічаў з дзіцячым часопісам «Вясёлка» ад пачатку яго стварэння да канца 1970-х гадоў. Яго ілюстрацыі былі падкрэслена жывапіснымі, вызначаліся тонкім каларытам, гумарам, цеплынёй; пазбягаў дэталізацыі^[2]. Яго малюнкамі аформлены многія творы першага рэдактара «Вясёлкі» Васіля Віткі.