Алег Рыгоравіч Суконка

Алег Рыгоравіч Суконка (нар. 16 ліпеня 1951, в. Хвошна Гарадоцкага раёна Віцебскай вобласці) — заслужаны ўрач Рэспублікі Беларусь (2016), беларускі грамадскі дзеяч, член Савета Рэспублікі Нацыянальнага сходу Рэспублікі Беларусь 6-га і 7-га скліканняў. Доктар медыцынскіх навук, прафесар, выдатнік аховы здароўя Рэспублікі Беларусь.

Алег Рыгоравіч Суконка
Дата нараджэння	16 ліпеня 1951(1951-07-16) (74 гады)
Месца нараджэння	Хвошна, Хвошненскі сельсавет, Мехаўскі раён, Віцебская вобласць, Беларуская ССР, СССР
Грамадзянства	Беларусь
Род дзейнасці	палітык, урач, анколаг, уролаг
Месца працы	Аршанскі дзяржаўны медыцынскі каледж Аршанскі льнокамбінат РНПЦ анкалогіі і медыцынскай радыялогіі імя М. М. Аляксандрава
Навуковая ступень	доктар медыцынскіх навук[1] (2004)
Навуковае званне	прафесар[1]
Альма-матар	Віцебскі медыцынскі інстытут (1978)
Прэміі
Узнагароды

Біяграфія

Скончыў Віцебскі дзяржаўны медыцынскі інстытут.

Служыў у радах Узброеных Сіл. Працаваў урачом-інтэрнам па хірургіі Аршанскай гарадской бальніцы імя Сямашкі Віцебскай вобласці, урачом-выкладчыкам хірургічных хвароб Аршанскага медыцынскага вучылішча, урачом-уролагам медсанчасці Аршанскага льнокамбіната, урачом-анколагам, малодшым навуковым супрацоўнікам аддзялення хірургічных і камбінаваных метадаў лячэння, малодшым навуковым супрацоўнікам лабараторыі гіпертэрміі і комплекснай тэрапіі, навуковым супрацоўнікам, старшым навуковым супрацоўнікам аддзялення абдамінальнай хірургіі і ўралогіі, старшым навуковым супрацоўнікам аддзялення радыемадыфікацыі Навукова-даследчага інстытута анкалогіі і медыцынскай радыялогіі Міністэрства аховы здароўя Рэспублікі Беларусь, загадчыкам анкалагічнага (уралагічнага) аддзялення дзяржаўнай установы «Навукова-даследчы інстытут анкалогіі і медыцынскай радыялогіі імя М. М. Аляксандрава», загадчыкам аддзела анкауралагічнай паталогіі дзяржаўнай установы «Рэспубліканскі навукова-практычны цэнтр анкалогіі і медыцынскай радыялогіі імя М. М. Аляксандрава».

Дырэктар дзяржаўнай установы «Рэспубліканскі навукова-практычны цэнтр анкалогіі і медыцынскай радыялогіі імя М. М. Аляксандрава» (2010 — 2020)^[2].

Выбіраўся членам Савета Рэспублікі Нацыянальнага сходу Рэспублікі Беларусь 6-га і 7-га скліканняў^[3]. Спыніў паўнамоцтвы члена Савета Рэспублікі 3 сакавіка 2022 года.

Працоўная і навуковая дзейнасць

Распрацаваў новыя хірургічныя падыходы да лячэння ныркава–клеткавага раку, быў першым у Беларусі лекарам, які паспяхова правёў экстракарпаральную рэзэкцыю адзінай ныркі, а таксама ўкараніў у практыку некалькі відаў пашыраных і ашчадных для органаў аперацый пры пухлінах нырак. За пэрыяд працы ў РНПЦ выканаў больш за 3000 апэрацый па анкаўралёгіі, у тым ліку з падвышанай катэгорыяй складанасьці. У часы яго кіраўніцтва РНПЦ анкалёгіі быў абсталяваны найсучаснай апаратурай, тэхнікай і лябараторыямі для лячэньня і дыягностыкі раку.

Аўтар больш 600 навуковых прац, у тым ліку 4 манаграфій, 9 вучэбных дапаможнікаў, 13 патэнтаў на вынаходствы, 28 інструкцый па карыстанню.

Узнагароды

• Медаль «За працоўныя заслугі»^[4] (2010).
• Дзяржаўная прэмія Рэспублікі Беларусь у галіне навукі і тэхнікі (2020, у аўтарскім калектыве) за цыкл прац «Новыя метады дыягностыкі і лячэння анкалагічных захворванняў у дарослых і дзяцей»^[5], (пазбаўлены прэміі 21 чэрвеня 2021 года)^[6][7].
• Ганаровы грамадзянін Мінскага раёна (2019)
• Лаўрэат прэміі «За духоўнае адраджэнне»

Зноскі

1. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-345030&strq=l_siz=20
2. Олег Суконко ушел с должности директора РНПЦ онкологии и медицинской радиологии(недаступная спасылка) // KP.BY
3. Суконко Олег Григорьевич Архівавана 21 кастрычніка 2020.
4. Суконка Алег Рыгоравіч Архівавана 18 жніўня 2020.
5. Указ Президента Республики Беларусь 18 января 2021 г. № 18 «О присуждении Государственных премий Республики Беларусь 2020 года» (нявызн.).
6. Указ Президента Республики Беларусь 18 июня 2021 г. № 234 «Об изменении Указа Президента Республики Беларусь» (нявызн.).