Рэспубліканскі навукова-практычны цэнтр анкалогіі і медыцынскай радыялогіі імя М. М. Аляксандрава

Рэспубліканскі навукова-практычны цэнтр анкалогіі і медыцынскай радыялогіі (РНПЦ АіМР) — навукова-практычны цэнтр Міністэрства аховы здароўя Рэспублікі Беларусь. Размешчаны ў аграгарадку Лясны Мінскага раёна.

Рэспубліканскі навукова-практычны цэнтр анкалогіі і медыцынскай радыялогіі імя М. М. Аляксандрава
Краіна	Беларусь[1]
Адміністрацыйны цэнтр	Палатны блок НДІ анкалогіі і медыцынскай радыялогіі[d]
Тып арганізацыі	установа[d]
Заснаванне
Дата заснавання	25 мая 1959[2]
omr.by (руск.)​ (бел.)​ (англ.)

Гісторыя

Заснаваны ў 1960 годзе ў Мінску на базе Рэспубліканскага анкалагічнага дыспансера (з 1934 года) і анкалагічных аддзяленняў 1-й клінічнай бальніцы г. Мінска. З 1965 года ў пасёлку Лясны Мінскага раёна^[3].

З 1962 года працуе аспірантура.

Кірункі даследаванняў

Асноўныя кірункі навуковых даследаванняў: эпідэміялагічны і лабараторны кантроль злаякасных новаўтварэнняў, распрацоўка і ўдасканаленне метадаў дыягностыкі і лячэння рака з выкарыстаннем хіміягармонатэрапіі, прамянёвайй тэрапіі, мадыфікавальных уздзеянняў; медыцынская рэабілітацыя анкалагічных хворых.

У 2015 годзе быў адкрыты суперсучасны і дарагі пэт-цэнтр, абсталяванне якога дазваляе не толькі праводзіць раннюю дыягностыку анказахворванняў, але і падбіраць індывідуальныя схемы лячэння для кожнага пацыента.

Дырэктары

• Мікалай Мікалаевіч Аляксандраў (1960—1981)
• Ігар Рыгоравіч Жакаў (1982—1990)
• Яўген Аляксандравіч Караткевіч (1991—2000)
• Іосіф Віктаравіч Залуцкі (2000—2009)
• Аркадзь Іванавіч Ларыёнаў (2009—2010)
• Алег Рыгоравіч Суконка (2010—19 лютага 2020)^[4]
• Сяргей Львовіч Палякоў (з 20 лютага 2020 года)