Тунг

Тунг, тунгавае дрэва, алейнае дрэва (Aleurites) — род лістападных дрэвавых раслін сямейства малачаевых. Налічваецца 5 (па іншых звестках да 15) відаў. Распаўсюджаны ў Паўднёвай і Паўднёва-Усходняй Азіі, на астравах Ціхага акіяна.

Тунг
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Малачайныя Падсямейства:  Crotonoideae Трыба:  Aleuritideae Падтрыба:  Aleuritinae Род:  Тунг
Міжнародная навуковая назва
Aleurites
Сістэматыка на Віківідах Выявы на Вікісховішчы ITIS   28206 NCBI   123497 EOL   34490209 GRIN   g:376 IPNI   14996-1 FW   319930

Апісанне

Лістападныя дрэвы вышынёй 15—20 м. Галіны рэдкія. Лісце чаргаванае, простае, суцэльнае або 3—5-лопасцевае. Кветкі ў складаных мяцёлках. Плод — касцянка. Насенне ядавітае і ўтрымлівае да 60 % тунгавага алею.

Выкарыстанне

Выкарыстоўваюцца ў якасці тэхнічных, дэкаратыўных і харчовых культур. Вырошчваюцца культурныя віды:

• тунг Форда або кітайскі (Aleurites fordi),
• тунг сэрцападобны або японскі (Aleurites cordata).

У якасці сыравіны для атрымання тэхнічных алеяў таксама выкарыстоўваюць тунг горны (Aleurites montana), лумбанг або свячное дрэва (Aleurites moluccana) і тунг трохсямянны (Aleurites trisperma)^[1].

Зноскі

1. Гладкова В. Н. Тунг(недаступная спасылка) // Вялікая савецкая энцыклапедыя (руск.)