Алена Міхайлаўна Маргунова

Алена Міхайлаўна Маргунова (нар. 7 жніўня 1967(1967-08-07), Магілёў) — беларускі дзяржаўны дзеяч. Кандыдат тэхнічных навук (2000)^[1], дацэнт.

Алена Мiхайлаўна Маргунова
Старшыня Дзяржаўнага камітэта па стандартызацыі Рэспублікі Беларусь з 22 красавіка 2024
Прэзідэнт	Аляксандр Лукашэнка
Кіраўнік урада	Раман Галоўчанка Аляксандр Турчын
Папярэднік	Валянцін Татарыцкі
Нараджэнне	7 жніўня 1967(1967-08-07) (58 гадоў) Магілёў, Магілёўская вобласць, Беларуская ССР, СССР
Адукацыя	Магілёўскі тэхналагічны інстытут (1989)
Навуковая ступень	кандыдат тэхнічных навук (2000)
Навуковае званне	дацэнт
Месца працы	Магiлёўскі дзяржаўны ўніверсітэт харчавання Навукова-практычны цэнтр НАН Беларусі па харчаванні Камітэт па стандартызацыі Рэспублікі Беларусь

У 1989 скончыла Магілёўскі тэхналагічны інстытут па спецыяльнасцi «Тэхналогiя хлеба, кандытарскiх, макаронных вырабаў i харчканцэнтратаў», у 2000 — аспiрантуру гэтай навучальнай установы.

З 1989 па 2013 — у Магілёўскім дзяржаўным тэхналагічным інстытуце (з 2002 — Магілёўскі дзяржаўны ўніверсітэт харчавання). За гэты час быў пройдзены шлях ад інжынера да намесніка дэкана.

У 2013—2022 займала пасаду намесніка генеральнага дырэктара рэспубліканскага ўнітарнага прадпрыемства «Навукова-практычны цэнтр НАН Беларусі па харчаванні», у рамках якой курыравала пытанні навукі, стандартызацыі і якасці прадуктаў харчавання.

З 2022 да красавіка 2024 — першы намеснік Старшыні Дзяржаўнага камітэта па стандартызацыі Рэспублікі Беларусь.

Указам Прэзідэнта Рэспублікі Беларусь ад 22 красавіка 2024 г. № 169 прызначана Старшынёй Дзяржаўнага камітэта па стандартызацыі Рэспублікі Беларусь^[2].