Алена Рыгораўна Дзянісава

У Вікіпедыі ёсць артыкулы пра іншых людзей з прозвішчам Дзянісава.

У Вікіпедыі ёсць артыкулы пра іншых людзей з прозвішчам Фурс.

Алена Рыгораўна Дзянісава (дзявочае прозвішча Фурс; нар. 24 снежня 1971, Пінск) — беларускі гісторык. Спецыяліст па гісторыі Турава-Пінскай праваслаўнай епархіі ў XI—XVII стагоддзях. Кандыдат гістарычных навук (2009), дацэнт (2012)^[1].

Алена Рыгораўна Дзянісава
Дата нараджэння	24 снежня 1971(1971-12-24) (53 гады)
Месца нараджэння	Пінск, Брэсцкая вобласць, Беларуская ССР, СССР
Грамадзянства	Беларусь
Род дзейнасці	гісторык
Месца працы	БДУ
Навуковая ступень	кандыдат гістарычных навук (2009)
Навуковае званне	дацэнт (2012)
Альма-матар	гістарычны факультэт БДУ (1995)

Біяграфія

Нарадзілася 24 снежня 1971 года ў Пінску. Скончыла ў 1995 годзе гістарычны факультэт БДУ, у 2002 годзе — аспірантуру. У 2009 годзе абараніла кандыдацкую дысертацыю па тэме «Праваслаўныя манастыры Турава-Пінскай епархіі ў грамадскім жыцці на беларускіх землях у XI—XVII стст.»^[1].

У 1995—1996 гадах працавала настаўнікам Нарачанскай СШ. З 2003 года выкладчык, дацэнт кафедры гісторыі Беларусі Старажытнага часу і Сярэдніх вякоў БДУ^[1].

Навуковая дзейнасць

Напрамкі даследаванняў: канфесійная гісторыя Беларусі канца X — XVIII стагоддзяў, праваслаўныя манастыры, гісторыя адукацыі і культуры беларускіх зямель у часы Вялікага Княства Літоўскага^[1].

Бібліяграфія

• Гісторыя Беларусі: дапаможнік: у 4 ч. Ч. 1. Мінск, 2018.
• Да сваёй гісторыі: Сярэднявечча і Ранні Новы час: зборнік навуковых артыкулаў, прысвечаных памяці Паўла Лойкі. Смаленск, 2013.