Алена Сцяпанаўна Леўчанка

У Вікіпедыі ёсць артыкулы пра іншых людзей з прозвішчам Леўчанка.

Алена Сцяпанаўна Леўчанка (нар. 30 красавіка 1983, Гомель) — беларуская баскетбалістка, выступала на пазіцыі цэнтравой.

Алена Леўчанка
Нарадзілася	30 красавіка 1983(1983-04-30)[1] (42 гады) Гомель, Гомельская вобласць, Беларуская ССР, СССР
Грамадзянства	Беларусь[1]
Альма-матар	Seminole State College of Florida[d] Wabash Valley College[d] University System of West Virginia[d]
Рост	194 см
Вага	86 кг
Пазіцыя	цэнтравы
Школа	РВАР (Мінск)
Каледж	Заходняя Віргінія
Драфт ВНБА	не выбрана, 2006
Клубная кар’ера[* 1]
1996—1999 БелГУТ — Ведрыца (Гомель) 2000 Гарызонт (Мінск) 2000—2002 Семінол NJCAA 2002—2003 Уобаш Уэллі NJCAA 2003—2006 Заходняя Вірджынія (NCAA) 2006 Шарлот Сцінг 2006—2008 ТЕО Вільнюс 2007 →  Эстудыянтэс 2007 Вашынгтон Місцікс 2008—2009 УГМК Екацерынбург 2009—2010 Галатасарай (Стамбул) 2010 Гожаў 2010 Атланта Дрым 2011 Вісла (Кракаў) 2011—2012 УГМК Екацерынбург 2012—2013 Ляанін 2013—2014 Добрыя Анёлы (Кошыцы) 2014 Універсітэт (Стамбул) 2014 Канэкцікут Сан WNBA 2014—2015 Цзянсу 2015 Якін Дагу 2015—2016 Гуандун 2016 Якін Дагу 2017—2018 Сычуань Уэльс 2018—2019 Хаменетмен 2021 Панатынаікос
Асабістыя ўзнагароды і дасягненні Фіналістка WNBA 2010 Удзельніца матча ўсіх зорак Еўралігі 2011 Лепшая цэнтравая Чэмпіянату свету 2010
Узнагароды і медалі Чэмпіянаты Еўропы Бронза Італія 2007
Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў.

Біяграфія

Нарадзілася 30 красавіка 1983 года ў Гомелі. Баскетболам пачала займацца ў гомельскай СДЮШАР-9. Першы трэнер — Віктар Арлоў. Пасля вучылася ў Рэспубліканскім вучылішчы алімпійскага рэзерву ў Мінску. На чэмпіянаце Еўропы сярод кадэтак 1999 года, на якім яна была прызнана найлепшай цэнтравой, Алену заўважыла скаўт Аукша Харыс і запрасіла на вучобу ў Амерыку. У 2000 годзе Алена паехала вучыцца ў баскетбольны каледж у ЗША. Пасля каледжа скончыла ўніверсітэт Заходняй Вірджыніі па спецыяльнасці міжнародныя адносіны. Стала першай беларускай у гісторыі, якая згуляла ў жаночай NBA. Выступала за клуб «Шарлот». Пасля 6 гадоў, праведзеных у Амерыцы, вярнулася на радзіму. У 2010 годзе ў складзе Атланты Дрым згуляла ў фінале WNBA.

Затым гуляла ў чэмпіянатах Кітая, Турцыі і іншых краін. Пасля амаль 2-гадовага перапынку ў спартыўнай кар’еры ў студзені 2021 года падпісала кантракт з грэчаскім «Панатынаікасам», у складзе якога стала чэмпіёнкай краіны^[2].

Выступала за зборную Беларусі па баскетболе з 2001 года. Удзельніца Алімпійскіх гульняў у Пекіне і Рыа-дэ-Жанэйра, чэмпіянатаў свету 2010 і 2014, а таксама чэмпіянатаў Еўропы 2007, 2009, 2011, 2013 і 2015.

Пасля завяршэння спартыўнай кар’еры пераехала ў ЗША.

Грамадска-палітычная дзейнасць

Плакат салідарнасці з Аленай Леўчанка, Мінск, 4 кастрычніка 2020

18 жніўня падпісала адкрыты ліст прадстаўнікоў спартыўнай галіны Рэспублікі Беларусь з патрабаваннем прызнаць несапраўднымі выбары прэзідэнта Рэспублікі Беларусь, якія прайшлі 9 жніўня 2020 года^[3].

Была сярод атлетаў, што заявілі аб стварэнні Свабоднага аб’яднання спартсменаў Беларусі^[4] ў верасні 2020 года, удзельнічала ў пратэстах, якія адбываліся пасля прэзідэнцкіх выбараў. Актыўна выказвалася супраць гвалту ў краіне і за правядзення паўторных выбараў, падпісала адкрыты ліст да ўлады і сілавікам і пастаянна хадзіла на нядзельныя маршы^[5]. 30 верасня 2020 года Ленінскі суд г. Мінска асудзіў Алену Леўчанка на 15 сутак адміністрацыйнага арышту за «актыўны ўдзел у несанкцыянаваным вулічным шэсці» 23 жніўня, на якім «публічна выказвала патрабаванні правядзення сумленных выбараў» і «ўдзел у несанкцыянаваным вулічным шэсці без адпаведнага дазволу Мінгарвыканкама ў мэтах публічнага выказвання свайго патрабавання правядзення сумленных выбараў у Рэспубліцы Беларусь» (27 верасня)^[6].

Спартыўныя дасягненні

• Чацвёртае месца Сусветных юнацкіх гульняў (Масква): 1998
• Найлепшая цэнтравая чэмпіяната Еўропы сярод кадэтак: 1999
• Чэмпіёнка Балтыйскай лігі (прызнана самай карыснай баскетбалісткай лігі): 2000
• Увайшла ў дзясятку лепшых гульцоў каледжаў ЗША па версіі KODAK: 2002
• Увайшла ў дзясятку лепшых гульцоў каледжаў ЗША па версіі KODAK: 2003
• Чэмпіёнка Літвы: 2007
• Чэмпіёнка Расіі: 2009, 2012
• Уладальніца Кубка Расіі: 2009, 2012
• Бронзавы прызёр Еўралігі: 2008, 2009, 2012
• Сярэбраны прызёр Кубка Расіі: 2008
• Бронзавы прызёр чэмпіяната Расіі: 2008
• Бронзавы прызёр чэмпіяната Еўропы: 2007
• Фіналістка WNBA: 2010
• Чэмпіёнка Польшчы (прызнана MVP фінала): 2011
• Удзельніца матча ўсіх зорак Еўралігіі: 2011
• Найлепшая цэнтравая чэмпіяната свету: 2010
• Чэмпіёнка Грэцыі: 2021

Зноскі

1. Yelena Leuchanka // FIBA database Праверана 5 чэрвеня 2025.

   <a href='https://wikidata.org/wiki/Track:Q130293317'></a>
2. nn.by
3. «Требуем признать выборы недействительными». Более 900 спортсменов и работников отрасли подписались под открытым письмом с требованиями к власти Архівавана 20 жніўня 2020. (руск.)
4. kp.by(недаступная спасылка)
5. nashaniva.by
6. Калинина, Надежда. Баскетболистку Елену Левченко арестовали на 15 суток. Ее задержали в аэропорту (руск.)(недаступная спасылка). TUT.BY (30 верасня 2020). Архівавана з першакрыніцы 30 верасня 2020. Праверана 30 верасня 2020.