Алена Аляксандраўна Церашкова

У Вікіпедыі ёсць артыкулы пра іншых людзей з прозвішчам Церашкова.

Алена Аляксандраўна Церашкова (нар. 1977) — сківіцава-тваравы хірург, беларуская пісьменніца, перакладчыца, двухразовая чэмпіёнка Беларусі па тэквандо, палітычная зняволеная.

Алена Аляксандраўна Церашкова
Асабістыя звесткі
Дата нараджэння	1977
Грамадзянства	Беларусь
Месца працы	11-я гарадская клінічная бальніца
Прафесійная дзейнасць
Род дзейнасці	пісьменніца, перакладчыца, сківічна-тваравы хірург
Мова твораў	беларуская
Грамадская дзейнасць
Партыя	Партыя БНФ

Біяграфія

Урач аддзялення сківіцава-тваравай хірургіі 11-й гарадской клінічнай бальніцы.

Член партыі БНФ. Была кандыдаткай у дэпутаты па Каменнагорскай выбарчай акрузе № 101 на парламенцкіх выбарах 2019 года.

Палітычны пераслед

Асноўныя артыкулы: Пратэсты ў Беларусі (2020—2021) і Палітычныя рэпрэсіі ў Беларусі (з 2020 года)

Церашкову арыштавалі 20 мая 2024 года. 20 чэрвеня 2024 года Суд Цэнтральнага раёна г. Мінска (суддзя — Юльяна Шчэрба) прысудзіў ёй тры гады «хатняй хіміі» паводле артыкула 342 КК «Актыўны ўдзел у дзеяннях, якія груба парушаюць грамадскі парадак»^[1]. 24 чэрвеня 2024 года сумеснай заявай пяці арганізацый, сярод якіх Праваабарончы цэнтр «Вясна», Прававая ініцыятыва, Беларускі Хельсінкскі камітэт, Беларускі ПЭН, Церашкова прызнана былой палітычнай зняволенай^[2].

Публікацыі

• Церашкова, А. У поўны рост ці ўстану…: паэзія / А. Церашкова. — Мінск : Беларускае выдавецкае Таварыства «Хата», 2005. — 57 с.
• Грынчанка, П. Сакрэты кветак для дарослых і дзетак / П. Грынчанка, А. Церашкова. — Мінск : Мастацкая літаратура, 2010. — 30, [1] с.
• Церашкова, А. Вершы-загадкі / А. Церашкова. — Мінск : Мастацкая літаратура, 2012. — [6] с.
• Церашкова, А. Англійская мова: слова за словам: вершы / А. Церашкова. — Мінск : Мастацкая літаратура, 2015. — [36] с.