Алена з Шоўдэ

Святая Алена (Элін, 1100-я^[1], Шоўдэ^[d] — каля 1160^[1], Гётэне^[d]) — шведская каталіцкая святая, заступніца горада Шоўдэ. Святая Алена намаляваная на гербе Шоўдэ і з’яўляецца заступніцай царквы Святой Алены ў Ронеслове.

Алена з Шоўдэ
Дата нараджэння	1100-я[1]
Месца нараджэння	Шоўдэ[d], Шэўдэ, лен Скараборг[d], Швецыя
Дата смерці	каля 1160[1]
Месца смерці	Гётэне[d], Гётэне, лен Скараборг[d], Швецыя
У ліку	святы
Дзень памяці	31 ліпеня
Медыяфайлы на Вікісховішчы

Біяграфія

Алена нарадзілася каля 1101 года. Яна была з шляхетнай сям’і і, як лічыцца, была дачкой ярла Гутарма. Пасталеўшы, яна выйшла замуж і нарадзіла дзяцей. Пасля смерці мужа яна жыла на яго ферме ў Уомбе. Яна раздала свае рэчы бедным і здзейсніла паломніцтва ў Іерусалім. Вярнуўшыся, яна пасялілася на ферме, дзе прысвяціла сябе духоўным справам і дабрачыннасці. Паводле легенды, менавіта Алена пабудавала царкву на ферме ва Уамбе ў Скарынскай епархіі. Царква ў Скевдэ, цяпер званая царквой Святой Алены, таксама была ў значнай ступені пабудавана за кошт шчодрых ахвяраванняў Алены.

У Алены была дачка, якую біў і абражаў яе муж. Праз некаторы час слугі на ферме Алены аб’ядналіся і забілі зяця сваёй спадарыні. Яго сваякі абвінавачвалі Алену ў забойстве, хоць у той час яна была ў паломніцтве ў Храме Гроба Гасподняга у Іерусаліме. Каб адпомсціць за яго смерць, яны ў 1160 годзе забілі Алену ў Ётэне, калі тая ішла ў царкву.

Алена была кананізавана ў 1165 годзе Папам Аляксандрам III пры падтрымцы Стэфана (пам. у 1185 годзе), першага арцыбіскупа Упсальскага. Яе жыццяпіс быў упершыню запісаны Брынальфам Альгатсанам, біскупам Скары (1278—1317)^[2].

• 
  Малюнак Алены з Шоўдэ ў камені.
• 
  Выява Святой Алены ў царкве Шоўдэ (1954 год).