Альберт Андрэевіч Саланека

Альберт Андрэевіч Саланека (нар. 28 красавіка 1937, Віцебск) — беларускі мікрабіёлаг. Доктар біялагічных навук (1984), прафесар (1992).

Альберт Андрэевіч Саланека
Дата нараджэння	28 красавіка 1937(1937-04-28) (88 гадоў)
Месца нараджэння	Віцебск, Беларуская ССР, СССР
Род дзейнасці	мікрабіёлаг
Месца працы	Ваўкавыскі зоаветэрынарны тэхнікум Беларускі НДІ эксперыментальнай ветэрынарыі імя С. М. Вышалескага Віцебская дзяржаўная акадэмія ветэрынарнай медыцыны
Навуковая ступень	доктар біялагічных навук (1984)
Навуковае званне	прафесар[d]
Альма-матар	Віцебскі ветэрынарны інстытут (1960)

Біяграфія

Скончыў Віцебскую сярэднюю школу № 11 (1955), Віцебскі ветэрынарны інстытут (1960), аспірантуру пры ім (1965). У 1960-63 гг. працаваў у Гродзенскай вобласці загадчыкам Воранаўскай раённай ветэрынарна-бактэрыялагічнай лабараторыі, потым выкладаў у Ваўкавыскім зоаветэрынарным тэхнікуме. Са студзеня 1966 г. і да сакавіка 1987 г. — у БелНДІ эксперыментальнай ветэрынарыі, малодшы, старшы (з 1972) навуковы супрацоўнік, загадчык сектара, загадчык лабараторыі па вывучэнні туберкулёза, у 1984 — 87 гг. працаваў у Афганістане. 3 1987 г. — у Віцебскай акадэміі ветэрынарнай медыцыны, быў загадчыкам кафедры мікрабіялогіі і вірусалогіі, з 1995 г. прафесар гэтай кафедры.

Апублікаваў больш за 160 навуковых прац, у тым ліку (у сааўтарстве) манаграфію «Мікрабактэрыёзы свіней» і «Практыкум па мікрабіялогіі». За навуковую працу па дыягностыцы туберкулёза і мікрабактэрыёзаў узнагароджаны медалём ВДНГ СССР (1989).

Зноскі