Альгерд Адамавіч Малішэўскі

У Вікіпедыі ёсць артыкулы пра іншых людзей з прозвішчам Малішэўскі.

Альгерд Адамавіч Малішэўскі (8 верасня 1922, Бабруйск — 22 лістапада 1989, Мінск) — беларускі мастак-жывапісец, педагог. Заслужаны дзеяч мастацтваў БССР (1977)^[3].

Альгерд Адамавіч Малішэўскі
Дата нараджэння	8 верасня 1922(1922-09-08)
Месца нараджэння	Бабруйск, Бабруйскі павет, Беларуская ССР
Дата смерці	22 лістапада 1989(1989-11-22) (67 гадоў)
Месца смерці	Мінск, Беларуская ССР, СССР
Грамадзянства	Беларусь
Род дзейнасці	мастак
Месца працы	Мінскае мастацкае вучылішча імя А. К. Глебава
Жанр	пейзаж, партрэт і сюжэтна-тэматычная карціна
Вучоба	Харкаўскі мастацкі інстытут[d] (1952)
Вядомыя працы	«Гады вайны», «Салдаты – сыны Радзімы», «Хатынь», «Маці», «Пратэст супраць вайны», «Металургі», «Сяброўкі», «Брыгада», «Партрэт студэнта»
Уплыў	Пётр Котаў[d]
Уплыў на	Анатоль Бараноўскі, Адам Глобус[1], Георгій Скрыпнічэнка[2].
Партыя	КПСС
Член у	Беларускі саюз мастакоў
Узнагароды

У Вікіпедыі ёсць артыкулы пра іншых людзей з імем Альгерд.

Біяграфія

З'яўляўся ўдзельнікам Вялікай Айчыннай вайны. У 1952 годзе скончыў факультэт жывапісу Харкаўскага дзяржаўнага мастацкага інстытута. Удзельнічаў у мастацкіх выстаўках з 1956 года. Стаў сябрам Саюза мастакоў БССР у 1965 годзе. Выкладаў у Мінскім мастацкім вучылішчы (1953—1981).

Сын — Сяргей Малішэўскі (1956—2020) — таксама вядомы беларускі мастак.

Творчасць

Пісаў карціны ва ўсіх жанрах станковага жывапісу.

У лютым 1988 года прымаў удзел у мастацкай выставе аб'яднання «Няміга-17» у Мінску, у «Палацы мастацтваў». Яго твор з гэтай выставы — «Партрэт Арлена Кашкурэвіча» (1968, палатно, алей 120 х 90 см) — зараз знаходзіцца ў калекцыі Нацыянальнага мастацкага музея Рэспублікі Беларусь^[4].

Зноскі

1. Адам Глобус. Словы пра мастака і настаўніка майго Альгерда Малішэўскага
2. Барыс Крэпак. Канструкцыя іншасказу (нявызн.)(недаступная спасылка). Архівавана з першакрыніцы 10 сакавіка 2016. Праверана 14 чэрвеня 2014.
3. Альгерд Адамавіч Малішэўскі(недаступная спасылка)
4. Аляксандр Дабравольскі 1988 — выстава аб'яднання «Няміга-17» Архівавана 13 красавіка 2015.