Альшэўцы

Альшэ́ўцы^[1] (трансліт.: Aĺšeŭcy, руск.: Ольшевцы) — вёска ў Вілейскім раёне Мінскай вобласці. Уваходзіць у склад Крывасельскага сельсавета. Знаходзіцца за 25 км на паўночны ўсход ад горада Вілейка, 17 км ад чыг. ст. Княгінін на лініі Маладзечна—Полацк, 130 км ад Мінска.

Вёска Альшэўцы Краіна Беларусь Вобласць Мінская Раён Вілейскі Сельсавет Крывасельскі Каардынаты 54°33′56″ пн. ш. 27°09′45″ у. д.HGЯO Насельніцтва ▼6 чал. (2019) Часавы пояс UTC+3 Тэлефонны код +375 1771 Паштовыя індэксы 222429 Аўтамабільны код 5 СААТА 6213860067 Альшэўцы Альшэўцы Альшэўцы

Гісторыя

У 1842 годзе вёска ў Вілейскім павеце Мінскай губерні Расійскай імперыі, уласнасць Жэлігоўскага. У 1858 годзе ў маёнтку Мар’янполь. У 1897 г. вёска ў Рабунскай воласці Вілейскага павета Віленскай губерні. У 1908 годзе 107 дзесяцін зямлі.

З 1921 года вёска ў складзе Польскай Рэспублікі, належала да Віленскага ваяводства, Вілейскага павета, гміны Касцяневічы^[2].

З лістапада 1939 года ў БССР, з 15 студзеня 1940 года ў Куранецкім раёне Вілейскай вобласці, з 12 кастрычніка 1940 года ў Рэчкаўскім ельсавеце. З 25 чэрвеня 1941 да 3 ліпеня 1944 года акупіравана нацыстамі. З 20 верасня 1944 года ў Куранецкім, з 5 ліпеня 1946 года ў Вілейскім раёнах Маладзечанскай вобласці. 6 студзеня 1950 года створаны калгас «8 Сакавіка». З 20 студзеня 1960 года ў Мінскай вобласці. Землі ў складзе калгаса «Зара».

Да 18 мая 1959 года вёска ўваходзіла ў склад Рэчкаўскага сельсавета^[3]., затым да 28 мая 2013 года — у склад Касцяневіцкага сельсавета^[4].

Насельніцтва

• 1842 год — 11 жыхароў.
• 1897 год — 89 жыхароў, 12 двароў.
• 1908 год — 120 жыхароў.
• 1921 год — 112 жыхароў, 22 двары^[5].
• 1931 год — 114 жыхароў, 23 двары^[6].
• 1960 год — 88 жыхароў.
• 1988 год — 34 жыхары, 16 двароў.
• 2008 год — 10 жыхароў, 8 гаспадарак.
• 2019 год — 6 чал.