Аляксандрас Абішала

Аляксандрас Абішала (лат.: Aleksandras Abišala; нар. 28 снежня 1955(1955-12-28), Інта, Рэспубліка Комі) — літоўскі палітычны і дзяржаўны дзеяч, Прэм’ер-міністр Літвы ў 1992 годзе.

Аляксандрас Абішала
прэм’ер-міністр Літвы 21 ліпеня 1992 — 2 снежня 1992
Папярэднік	Гядзімінас Вагнорус
Пераемнік	Бранісловас Лубіс
Нараджэнне	28 снежня 1955(1955-12-28) (69 гадоў) Інта, Рэспубліка Комі, РСФСР, СССР
Партыя	Саюдзіс
Адукацыя	Віленскі ўніверсітэт
Медыяфайлы на Вікісховішчы

Біяграфія

Нарадзіўся 28 снежня 1955 года ў Інце (РСФСР).

У 1978 годзе скончыў Віленскі ўніверсітэт па спецыяльнасці «Фізіка». Пасля два гады служыў у Савецкай Арміі. У пачатку 1980-х гадоў працаваў інжынерам у Каўнаскім політэхнічным інстытуце, а з 1981 года — галоўным інжынерам Навукова-даследчага інстытута радыёвымярэнняў.

У 1988 годзе ўключыўся ў дзейнасць руху Саюдзіс. У лютым 1990 года стаў дэпутатам Вярхоўнага Савета Літоўскай ССР, быў адным з падпісантаў Акта аб аднаўленні Літоўскай дзяржавы ад 11 сакавіка 1990 года. У 1991 годзе заняў пасаду міністра без партфеля. З 21 ліпеня па 2 снежня 1992 года — Прэм'ер-міністр Літвы. У тым жа годзе ён адмовіўся ад палітычнай дзейнасці. У 1993 годзе пачаў кіраваць прыватнай кансалтынгавай кампаніяй.