Аляксандра Пятроўна Галубкіна

Аляксандра Пятроўна Галубкіна (1 красавіка 1900, Варшава — ?) — беларуская мастачка.

Аляксандра Пятроўна Галубкіна
Дата нараджэння	1 красавіка 1900(1900-04-01)
Месца нараджэння	Варшава, Царства Польскае, Расійская імперыя
Дата смерці	невядома
Грамадзянства	Беларуская ССР
Род дзейнасці	мастак
Вучоба	Інстытут жывапісу, скульптуры і архітэктуры імя І. Я. Рэпіна (1926)
Член у	Усебеларускае аб'яднанне мастакоў[d]
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Галубкіна.

Біяграфія

Руская^[1]. Нарадзілася 1 красавіка 1900^[2] года ў Варшаве, дзе атрымала першапачатковую адукацыю^[3]. У 1921—1926 гадах вучылася ў Вышэйшым мастацка-тэхнічным інстытуце ў Ленінградзе^[2][3]. Дыпломная праца «Прачка» і эскіз «1925 год. Вышэй вытворчасць»^[2].

З таго часу працавала настаўніцай малявання ў Гомелі. Належала да ліку нешматлікіх у Беларусі прадстаўнікоў найбольш «левага» крыла неарэалістаў і вызначалася асаблівай свежасцю замыслаў і выканання^[3].

«На тэкстыльнай фабрыцы». 1927

У 1927 годзе ўвайшла ў новастворанае Гомельскае аддзяленне^[1] Усебеларускага аб’яднання мастакоў. Удзельніца выставак з 1927 года. У гэтым годзе Галубкіна прымала ўдзел у 2-й Усебеларускай мастацкай выстаўцы, дзе экспанавала некалькі эскізаў^[3].

«Жніво». 1928

У Беларускім дзяржаўным музеі захоўвалася яе карціна «Жніво», напісаная ў 1928 годзе па дзяржаўным заказе на тэму «Чалавек за працай»^[3].

Далейшы лёс невядомы.