Аляксандр Іванавіч Дыдышка

Аляксандр Іванавіч Дыдышка (1 ліпеня 1911(1911-07-01), Вэрхнёдніпроўск, Кацярынаслаўская губерня — 5 лютага 1944(1944-02-05), Гарадоцкі раён, Віцебская вобласць) — удзельнік савецка-фінляндскай і Вялікай Айчынай войнаў. Герой Савецкага Саюза (11.04.1940).

Дыдышка Аляксандр Іванавіч
Дата нараджэння	1 ліпеня 1911(1911-07-01)
Месца нараджэння	Вэрхнёдніпроўск, Верхнедняпроўскі павет[d], Кацярынаслаўская губерня, Расійская імперыя
Дата смерці	5 лютага 1944(1944-02-05) (32 гады)
Месца смерці	Гарадоцкі раён, Віцебская вобласць, Беларуская ССР, СССР
Месца пахавання	Гарадок
Прыналежнасць	СССР
Род войскаў	артылерыя
Гады службы	1929—1944
Званне	капітан
Камандаваў	301-ы гаўбічны артылерыйскі полк, 43-і Дзямідаўскі гарматны артылерыйскі полк
Бітвы/войны	Савецка-фінляндская вайна, 1939-1940, Вялікая Айчынная вайна
Узнагароды і званні
Медыяфайлы на Вікісховішчы

Мемарыяльны комплекс «Бессмяроцце» ў Гарадку

Біяграфія

Нарадзіўся 1 ліпеня 1911 года ў горадзе Верхнедняпроўск Кацярынаслаўскай губерні (цяпер — у Депрапятроўскай вобласці Украіны).

Пасля заканчэння сямігодкі працаваў кавалём. У Чырвонай Арміі з 1929 года. У 1933 годзе скончыў Адэскае артылерыйскае вучылішча.

Дывізіён пад камандаваннем капітана А. Дыдышкі вызначыўся падчас савецка-фінляндскай вайны 1939—1940 гадоў, знішчыў 4 мінамётныя і 5 артылерыйскіх батарэй, 2 чыгуначныя ўмацаванні, 5 агнявых кропак і жывую сілу праціўніка.

На франтах Вялікай Айчыннай вайны з чэрвеня 1941 года. Удзельнічаў у абароне Масквы, вызваленні Калінінскай, Смаленскай абласцей РСФСР і Віцебскай вобласці БССР.

Камандзір 43-га Дзямідаўскага гарматнага артылерыйскага палка палкоўнік Дыдышка А. І. загінуў 5 лютага 1944 года ў баі за горад Гарадок (Віцебская вобласць).

Узнагароды

• Медаль «Залатая Зорка»
• Ордэн Леніна
• Ордэн Аляксандра Неўскага
• Ордэн Айчыннай вайны 1 ступені
• Ордэн Чырвонай Зоркі

Памяць

У горадзе Гарадок Віцебскай вобласці імем А. І. Дыдышка названа адна з вуліц.