Аляксандр Ігнатавіч Рэзнікаў

Аляксандр Ігнатавіч Рэ́знікаў^[1] (руск.: Александр Игнатьевич Резников; 1 жніўня 1897 — 15 жніўня 1971) — вучоны ў галіне інфекталогіі, доктар медыцынскіх навук (1952), прафесар (1952).

Аляксандр Ігнатавіч Рэзнікаў
Дата нараджэння	1 жніўня 1897(1897-08-01)
Месца нараджэння	Рыльск, Рыльскі павет[d], Курская губерня, Расійская імперыя
Дата смерці	15 жніўня 1971(1971-08-15) (74 гады)
Грамадзянства	Расійская імперыя  СССР
Род дзейнасці	навуковец
Навуковая сфера	інфекталогія[d]
Месца працы	Віцебскі дзяржаўны медыцынскі ўніверсітэт
Навуковая ступень	доктар медыцынскіх навук (1952)
Навуковае званне	прафесар
Альма-матар	Варонежскі дзяржаўны ўніверсітэт[d]
Узнагароды

У Вікіпедыі ёсць артыкулы пра іншых людзей з прозвішчам Рэзнікаў.

Біяграфія

Нарадзіўся ў горадзе Рыльск Курскай губерні (сучасны адміністрацыйны цэнтр Рыльскага раёна Курскай вобласці Расіі). У 1927 годзе скончыў Варонежскі ўніверсітэт. З 1 красавіка 1942 года на службе ў Чырвонай Арміі^[2][3]. Праходзіў службу ў інфекцыйным шпіталі № 775 1-й арміі і ў эвакуацыйным шпіталі № 904^[2][3]. Маёр медыцынскай службы^[2][3]. Звольнены ў запас 1 снежня 1945 года^[3]. У 1957—1971^[4] гадах А. І. Рэзнікаў у Віцебскім медыцынскім інстытуце, дзе займаў пасаду загадчыка кафедры інфекцыйных хвароб.

Навуковая дзейнасць

А. І. Рэзнікаву належаць навуковы працы па праблемах гемараргічнай ліхаманкі, бактэрыяльнай дызентэрыі, хваробы Боткіна. Пад яго кіраўніцтвам на кафедры вяліся актыўныя даследаванні па тэме «Вірусныя гепатыты»^[4].

Узнагароды

• Медаль «За баявыя заслугі» (1944)
• Медаль «За перамогу над Германіяй у Вялікай Айчыннай вайне 1941—1945 гг.» (1945)

Зноскі

1. БелЭн 2001.
2. Резников Александр Игнатьевич // Музейный комплекс «Дорога памяти» Архівавана 18 красавіка 2021. (руск.)
3. Резников Александр Игнатьевич (руск.) // Праект Міністэрства абароны Расійскай Федэрацыі «Память народа»
4. Общая информация о кафедре. История кафедры инфекционных болезней (руск.) // Сайт ВДМУ