Аляксандр Аляксандравіч Каркатадзе

Аляксандр Аляксандравіч Каркатадзе (нар. 16 лютага 1976, Брэст) — беларускі гісторык і дэпутат.

Аляксандр Аляксандравіч Каркатадзе
Нараджэнне	16 лютага 1976(1976-02-16) (49 гадоў) Брэст, Брэсцкая вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Каркатадзе.

Біяграфія

Нарадзіўся 16 лютага 1976 года ў горадзе Брэст^[1].

Скончыў Брэсцкі дзяржаўны ўніверсітэт імя А. С. Пушкіна па спецыяльнасці «Гісторыя і сацыяльна-палітычныя дысцыпліны», Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае будаўніцтва»^[1].

Працаваў навуковым супрацоўнікам Брэсцкага абласнога краязнаўчага музея; навуковым супрацоўнікам, старшым навуковым супрацоўнікам, загадчыкам філіяла «Музей «5-ы форт»» Мемарыяльныага комплексу «Брэсцкая крэпасць-герой»^[1]. Дырэктар Мемарыяльнага комплексу «Брэсцкая крэпасць-герой»^[1].

Дэпутат Брэсцкага абласнога Савета дэпутатаў 29-га склікання^[1].

Дэлегат VI і VII Усебеларускіх народных сходаў^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Брэсцкай вобласці (вылучаны ад горада Брэста і Брэсцкага раёна)^[1]. Член Пастаяннай камісіі Савета Рэспублікі па заканадаўстве і дзяржаўным будаўніцтве^[1].

Член працоўнай групы Нацыянальнага сходу Беларусі па дасягненні ЦУР; намеснік кіраўніка працоўнай групы па супрацоўніцтве з парламентам Султаната Аман; член працоўных груп па супрацоўніцтве з парламентамі Сацыялістычнай Рэспублікі В'етнам і Рэспублікі Сербія^[1].

Член Рэспубліканскага савета па гістарычнай палітыцы пры Адміністрацыі Прэзідэнта Беларусі^[1].

Узнагароды

Узнагароджаны нагрудным знакам Міністэрства культуры «За ўклад у развіццё культуры Беларусі», нагрудным знакам адрознення органаў пагранічнай службы «За дапамогу органам пагранічнай службы»^[1].

Па выніках працы за 2021 год удастоены ганаровага звання «Чалавек года Брэсцкай вобласці» ў сферы культуры^[1].