Аляксандр Васілевіч Фірсаў

У Вікіпедыі ёсць артыкулы пра іншых людзей з прозвішчам Фірсаў.

Аляксандр Васілевіч Фі́рсаў (11 (24) сакавіка 1914 — 23 кастрычніка 1952) — удзельнік Вялікай Айчыннай вайны, матрос Дняпроўскай ваеннай флатыліі. Герой Савецкага Саюза (7.3.1945).

Аляксандр Васілевіч Фірсаў
руск.: Александр Васильевич Фирсов
Дата нараджэння	11 (24) сакавіка 1914(1914-03-24)
Месца нараджэння	Podlesny[d], Краснаярскі раён[d], Расія
Дата смерці	23 кастрычніка 1952(1952-10-23) (38 гадоў)
Месца смерці	Podlesny[d], Краснаярскі раён[d], Куйбышаўская вобласць, РСФСР, СССР
Грамадзянства	СССР
Прыналежнасць	СССР
Род войскаў	Ваенна-Марскі Флот
Гады службы	1935—1939, 1941—1945
Званне	матрос
Бітвы/войны	Вялікая Айчынная вайна
Узнагароды і званні

А. В Фірсаў нарадзіўся ў пасёлку Падлесны (зараз у Краснаярскім раёне Самарскай вобласці). Працаваў механізатарам у калгасе і МТС. У Ваенна-Марскім Флоце ў 1935—1939 і 1941—1945 гг. Падчас Вялікай Айчыннай вайны чырванафлоцец, хіміст 66-га асобнага атрада дымамаскіроўкі і дэгазацыі Дняпроўскай ваеннай флатыліі. Вызначыўся ў чэрвені 1944 г. у баях у Мазырскім раёне Гомельскай вобласці каля вёскі Скрыгалаў. А. В Фірсаў у ліку першых фарсіраваў раку Прыпяць, зрабіў праходы ў драцяной загародзе і мінным полі. 12 ліпеня ўдзельнічаў у адбіцці контратак ворага каля горада Пінска. Быў паранены і не пакінуў поля бою.

Пасля дэмабілізацыі ў 1945 годзе вярнуўся на радзіму. Працаваў старшынёй калгаса.

Узнагароды

• Медаль «Залатая Зорка»,
• ордэн Леніна,
• медалі.

Зноскі