Аляксандр Васільевіч Даманаў

Аляксандр Васільевіч Дама́наў (10 сакавіка 1940, г. Клінцы, Бранская вобласць, РСФСР — 19 красавіка 2014, г. Віцебск) — беларускі мастак.

Аляксандр Васільевіч Даманаў
Дата нараджэння	10 сакавіка 1940(1940-03-10)
Месца нараджэння	Клінцы, Арлоўская вобласць, РСФСР, СССР
Дата смерці	19 красавіка 2014(2014-04-19) (74 гады)
Месца смерці	Віцебск, Віцебская вобласць, Беларусь
Грамадзянства	Беларусь
Род дзейнасці	мастак
Вучоба	Златавустаўскае педагагічнае вучылішча[d] (1973)
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Даманаў.

Біяграфія

Скончыў у 1973 годзе мастацка-графічнае аддзяленне Златавустаўскага педагагічнага вучылішча. Удзельнік мастацкіх выставак з 1990 года. Жыў у Віцебску^[1].

Член Беларускага саюза мастакоў з 1996 года^[1].

Пасля смерці жонкі, застаўся адзін і быў ўжо фізічна зусім хворым. Памёр 19 красавіка 2014 года. Пасля смерці мастака практычна ўсе працы, якія знаходзіліся ў яго кватэры, зніклі. Выкрадальнікі так і не былі выяўлены. Захавалася толькі 12 жывапісных твораў Аляксандра Доманова, якія мастак пры жыцці падарыў Віцебскаму абласному краязнаўчаму музею^[2].

Творчасць

Працаваў у станковым жывапісе ў жанрах пейзажа і нацюрморта. Творам уласцівыя моц і насычанасць, свежасць і каларыт. Асноўныя работы: палотны «Бярозы», «Вясна», «Сланечнік», «Вецер», «Восень», «Зіма. Рака Віцьба», «Сакавік», «Вясковы пейзаж»^[1].

Сям’я

Дзяцей у сям’і не было^[2].

Зноскі

1. Даманаў Аляксандр Васільевіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
2. Светлый реализм Александра Доманова. Народныя навіны Віцебска. Новости Витебска | 09-02-2015