Аляксандр Вікенцьевіч Скачко

Аляксандр Вікенцьевіч Скачко (нар. 26 верасня 1933^[1], Гарадзея, Нясвіжскі павет, Польская Рэспубліка) — беларускі ўрач. Народны ўрач Беларусі (1994).

Аляксандр Вікенцьевіч Скачко
Род дзейнасці	урач, медыцынскі адміністратар, галоўны ўрач
Дата нараджэння	26 верасня 1933(1933-09-26) (92 гады)
Месца нараджэння	Гарадзея, Нясвіжскі павет, Навагрудскае ваяводства, Польская Рэспубліка
Грамадзянства	Беларусь
Альма-матар	Мінскі медыцынскі інстытут (1958)
Узнагароды і прэміі

У Вікіпедыі ёсць артыкулы пра іншых людзей з прозвішчам Скачко.

Біяграфія

Скончыў Мінскі медінстытут (1958), атрымаў размеркаванне ў Сноўскую ўчастковую бальніцу, дзе прапрацаваў пяць гадоў галоўным урачом.

У лютым 1963 года Аляксандр Вікенцьевіч становіцца галоўным урачом Нясвіжскай раённай бальніцы. Узначальваў Мінскую абласную клініку. Галоўны ўрач Мінскай абласной дзіцячай клінічнай бальніцы (1974—1976). Галоўны ўрач 9-й Мінскай клінічнай бальніцы (1976—1996).

Узнагароды

• Ордэн «Знак Пашаны» (1971),
• Ганаровае званне «Заслужаны ўрач Беларускай ССР» (1974),
• Грамата Вярхоўнага Савета БССР (1978),
• Ордэн Кастрычніцкай Рэвалюцыі (1981),
• Медаль «Ветэран працы» (1990).

11 сакавіка 1994 года Аляксандр Вікенцьевіч Скачко стаў другім у гісторыі народным урачом Беларусі, у тым ліку за асабісты ўклад у стварэнне цэнтра трансплантацыі касцявога мозгу на базе 9-й бальніцы^[2].

Зноскі

1. Сентябрь (нявызн.)(недаступная спасылка). Архівавана з першакрыніцы 14 лістапада 2020. Праверана 13 лістапада 2020.
2. Дзяржаўную ўстанову «Мінскі навукова-практычны цэнтр хірургіі, транспланталогіі і гематалогіі» (нявызн.)(недаступная спасылка). Архівавана з першакрыніцы 18 лістапада 2020. Праверана 13 лістапада 2020.