Аляксандр Дзмітрыевіч Сідарук

Аляксандр Дзмітрыевіч Сідарук (нар. 14 студзеня 1968, Кобрын, Брэсцкая вобласць) — беларускі дыпламат.

Аляксандр Дзмітрыевіч Сідарук
пасол Беларусі ў Паўднёва-Афрыканскай Рэспубліцы[d] 26 снежня 2017 — 20 лістапада 2023
пасол Беларусі ў Анголе[d] 26 снежня 2017 — 20 лістапада 2023
Пераемнік	Ігар Анатолевіч Маршалаў
пасол Беларусі ў Мазамбіку[d] 26 снежня 2017 — 20 лістапада 2023
пасол Беларусі ў Намібіі[d] 26 снежня 2017 — 20 лістапада 2023
пасол Беларусі ў Зімбабвэ[d] 26 снежня 2017 — 20 лістапада 2023
Папярэднік	Андрэй Моўчан
Пераемнік	Ігар Анатолевіч Маршалаў
Нараджэнне	14 студзеня 1968(1968-01-14) (57 гадоў) Кобрын, Кобрынскі раён, Брэсцкая вобласць, Беларуская ССР, СССР
Адукацыя	Мінскі дзяржаўны педагагічны інстытут замежных моў (1992) Акадэмія кіравання пры Прэзідэнце Рэспублікі Беларусь (1995)

У Вікіпедыі ёсць артыкулы пра іншых людзей з прозвішчам Сідарук.

Біяграфія

У 1992 годзе скончыў перакладчыцкі факультэт Мінскага дзяржаўнага педагагічнага інстытута замежных моў. У 1992—1995 гадах працаваў у аддзеле знешнеэканамічных сувязяў Брэсцкага абласнога выканаўчага камітэта. У 1995 годзе скончыў Акадэмію кіравання пры Кабінеце Міністраў Рэспублікі Беларусь па спецыяльнасці «Дзяржаўнае кіраванне».

У 1995—2000 гадах працаваў ва ўпраўленні міжнародных эканамічных адносін і кіраванні агульнаеўрапейскага супрацоўніцтва МЗС Рэспублікі Беларусь. У 1998—1999 гадах — афіцэр па рэгіянальнай стабілізацыі Місіі АБСЕ ў Босніі і Герцагавіне. У 2000—2004 гадах — саветнік Пасольства Рэспублікі Беларусь у Каралеўстве Бельгія. У 2004—2007 гадах — начальнік аддзела ахоўных мер і доступу на рынкі упраўлення знешнегандлёвай палітыкі Дэпартамента знешнеэканамічнай дзейнасці МЗС Беларусі. У 2007—2011 гадах — саветнік Пасольства Рэспублікі Беларусь у Злучаным Каралеўстве Вялікабрытаніі і Паўночнай Ірландыі. У 2011—2013 гадах працаваў ва ўпраўленні еўразійскай інтэграцыі МЗС Беларусі. У 2013—2017 гадах — начальнік галоўнага ўпраўлення Расіі МЗС Беларусі.

26 снежня 2017 года прызначаны Надзвычайным і Паўнамоцным Паслом Рэспублікі Беларусь у Паўднёва-Афрыканскай Рэспубліцы і па сумяшчальніцтве ў Рэспубліцы Ангола, Рэспубліцы Зімбабвэ, Рэспубліцы Мазамбік і Рэспубліцы Намібія. Займаў гэтыя пасады да 20 лістапада 2023 года.

Мае дыпламатычны ранг Надзвычайнага і Паўнамоцнага Пасланца першага класа і другі клас дзяржаўнага служачага. Валодае англійскай і французскай мовамі.

Смя’я

Жанаты, мае дачку.