Аляксандр Максімавіч Капліенка

Аляксандр Капліенка (нар. 7 сакавіка 1996, Запарожжа, Украіна) — украінскі футбаліст, абаронца чаркаскага ЛНЗ.

Аляксандр Капліенка
Агульная інфармацыя
Поўнае імя	Аляксандр Максімавіч Капліенка
Нарадзіўся	7 сакавіка 1996(1996-03-07)[1][2] (29 гадоў) Запарожжа, Запарожскі гарадскі савет[d], Запарожская вобласць, Украіна[3]
Грамадзянства	Украіна
Рост	179 см
Вага	72 кг
Пазіцыя	абаронца
Інфармацыя пра клуб
Клуб	ЛНЗ
Нумар	18
Маладзёжныя клубы
2009—2012 Металург (Запарожжа)
Клубная кар’ера[* 1]
2012—2015 Металург (Запарожжа) 35 (4) 2016 Металіст (Харкаў) 8 (0) 2016 Аланьяспор 0 (0) 2017 Чарнаморац (Адэса) 14 (0) 2018 Смалявічы 28 (0) 2019 Металург (Запарожжа) 8 (1) 2019 Дынама (Тбілісі) 12 (0) 2020 Тамбоў 25 (0) 2021 Тарпеда (Масква) 18 (1) 2022 Аўда (Кекава) 15 (0) 2022—2023 Металіст (Харкаў) 14 (2) 2023 →  Дніпро-1 16 (0) 2024— ЛНЗ (Чаркасы)
Нацыянальная зборная[* 2]
2012—2013 Украіна (да 17) 5 (0) 2013—2015 Украіна (да 19) 9 (0) 2015 Украіна (да 21) 1 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 лютага 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 23 сакавіка 2018
Медыяфайлы на Вікісховішчы

Клубная кар’ера

З’яўляецца выхаванцам запарожскага футбола. Яго дэбют за запарожскі «Металург» у першынстве краіны адбыўся 6 красавіка 2014 года ў матчы супраць адэскага «Чарнаморца». Усяго ў сваім дэбютным сезоне ён згуляў у двух матчах. У сезоне 2014/15 Аляксандр становіцца адным з асноўных ігракоў свайго клуба. У канцы 2015 года пакінуў «Металург» у сувязі з працэсам ліквідацыі клуба.

1 лютага 2016 года прыбыў на прагляд у харкаўскі «Металіст»^[4], іграком якога афіцыйна стаў 17 лютага. У чэрвені таго ж года перайшоў у склад турэцкага клуба «Аланьяспор»^[5], але ўжо ў пачатку верасня 2016 года кантракт быў разарваны^[6].

У снежні 2016 года далучыўся да складу адэскага «Чарнаморца»^[7]. 20 снежня 2017 года стала вядома, што адэская каманда спыніла супрацоўніцтва з абаронцам^[8].

У лютым 2018 года далучыўся да складу дэбютанта беларускай Вышэйшай лігі — клуба «Смалявічы» — і ў сакавіку падпісаў з ім кантракт^[9]. Замацаваўся ў стартавым складзе беларускай каманды. Па выніках сезона 2018 «Смалявічы» выбылі ў Першую лігу, і абаронца пакінуў клуб.

У сакавіку 2019 года падпісаў кантракт з запарожскім «Металургам»^[10]. У чэрвені 2019 года стаў іграком тбіліскага «Дынама», а ў лютым 2020 года перайшоў у расійскі клуб «Тамбоў». У студзені 2021 года разарваў кантракт з «Тамбовам», а ў лютым далучыўся да маскоўскага «Тарпеда». Пакінуў сталічны клуб па сямейных абставінах у сакавіку 2022 года.

У красавіку 2022 года стаў іграком латвійскай «Аўды», а ў жніўні перайшоў у харкаўскі «Металіст». У сакавіку 2023 года на правах арэнды далучыўся да «Дніпра-1». У студзені 2024 года папоўніў склад чаркаскага ЛНЗ.

Міжнародная кар’ера

Выступаў за юнацкія і моладзевую зборныя Украіны.