Аляксандр Мар’янавіч Колышка

Аляксандр Мар’янавіч Колышка (нар. 28 жніўня 1966, в. Крычнікі, Іўеўскі раён) — беларускі псіхолаг, спецыяліст у вобласці педагагічнай псіхалогіі. Кандыдат псіхалагічных навук (2012), дацэнт^[1].

Аляксандр Мар’янавіч Колышка
Дата нараджэння	28 жніўня 1966(1966-08-28) (58 гадоў)
Месца нараджэння	Крычнікі, Такарышкаўскі сельсавет, Іўеўскі раён, Гродзенская вобласць, Беларуская ССР, СССР
Грамадзянства	Беларусь
Род дзейнасці	псіхолаг
Месца працы	Факультэт псіхалогіі ГрДУ
Навуковая ступень	кандыдат псіхалагічных навук
Навуковае званне	дацэнт
Альма-матар	гістарычны факультэт БДУ Гродзенскі дзяржаўны ўніверсітэт імя Янкі Купалы

У Вікіпедыі ёсць артыкулы пра іншых людзей з прозвішчам Колышка.

Біяграфія

Нарадзіўся 28 жніўня 1966 года ў вёсцы Крычнікі Іўеўскага раёна Гродзенскай вобласці. У 1983 годзе скончыў Юрацішкаўскую сярэднюю школу, працаваў брыгадным улікоўцам у калгасе «Прагрэс» Іўеўскага раёна. У 1984—1986 гг. праходзіў вайсковую службу^[2].

Вучыўся на падрыхтоўчым аддзяленні БДУ, пасля ў 1987—1992 гадах на гістарычным факультэце БДУ імя Ф. Скарыны. У 1992—1994 гг. працаваў настаўнікам гісторыі Юрацішкаўскай сярэдняй школы^[2].

У 1994 г. скончыў курсы перакваліфікацыі ў ГрДУ імя Янкі Купалы па спецыяльнасці «Псіхолаг сістэмы адукацыі». У 1994—1997 гадах вучыўся ў аспірантуры на факультэце педагогікі і псіхалогіі ГрДУ. Абараніў кандыдацкую дысертацыю па тэме «Асаблівасці міжасобаснага ўзаемадзеяння педагогаў з рознымі тыпамі самаадносін»^[2].

З 1997 года працуе на кафедры агульнай і сацыяльнай псіхалогіі факультэта псіхалогіі Гродзенскага дзяржаўнага ўніверсітэта імя Я. Купалы, з 2013 — загадчык кафедры^[1].