Аляксандр Мікалаевіч Крамнік

У Вікіпедыі ёсць артыкулы пра іншых людзей з прозвішчам Крамнік.

Крамнік Аляксандр Мікалаевіч (5 жніўня 1933, в. Лаўрыновічы, Гміна Зэльва, Ваўкавыскі павет, Беластоцкае ваяводства, Польская Рэспубліка) — кандыдат юрыдычных навук, прафесар ^[1].

Аляксандр Мікалаевіч Крамнік
Дата нараджэння	5 жніўня 1933(1933-08-05) (92 гады)
Месца нараджэння	Лаўрыновічы, гміна Зэльва[d], Ваўкавыскі павет, Беластоцкае ваяводства, Польская Рэспубліка
Род дзейнасці	навуковец
Месца працы	БДУ
Навуковая ступень	кандыдат юрыдычных навук
Альма-матар	юрыдычны факультэт БДУ

Біяграфія

Нарадзіўся 5 жніўня 1933 года ў в. Лаўрыновічы Ваўкавыскага павета Беластоцкага ваяводзтва (цяпер — Зэльвенскі раён Гродзенскай вобласці). У 1958 г. скончыў юрыдычны факультэт Беларускага дзяржаўнага ўніверсітэта. З 1959 г. працаваў выкладчыкам, дацэнтам, загадчыкам кафедры канстытуцыйнага права, намеснікам дэкана юрыдычнага факультэта БДУ. З 1998 г. — дацэнт кафедры канстытуцыйнага права.

У 1968 г. абараніў кандыдацкую дысертацыю ў Харкаўскім юрыдычным інстытуце на тэму: «Адміністрацыйна-прававая дзейнасць выканкомаў раённых Саветаў дэпутатаў працоўных БССР». Даследаваў пытанні прававога статуса мясцовых органаў кіравання, адміністрацыйнай адказнасці, сутнасць адміністрацыйнага права. Пад яго кіраўніцтвам падрыхтаваны 5 кандыдатаў навук.

Член савета юрыдычнага факультэта, член рабочай групы па падрыхтоўцы Кодэкса Рэспублікі Беларусь аб адіміністрацыйных правапарушэннях і Працэсуальна-выканаўчага кодэкса Рэспублікі Беларусь. Аўтар звыш 80 навуковых прац^[2].

Бібліяграфія

• Адміністрацыйныя паўнамоцтвы сельскага Савета дэпутатаў працоўных. Мн., 1974;
• Юридический справочник для населения. Мн., 1978 г.(у сааўт.);
• Юрыдычны дапаможнік для насельніцтва. Мн., 1978 (у сааўт.);
• Советское строительство: Учеб. пособие / Под ред. проф. А. А. Головко. Мн., 1979 (у сааўт.);
• Административное право и государственное управление в Республике Беларусь. Мн., 2001;
• Курс административного права в Республике Беларусь. Мн., 2002.

Зноскі

1. Юрыдычны факультэт. Гісторыя. Сучаснасць. Імёны / рэдсавет : С. А. Балашэнка (старш.) і інш. ; рэдкал. : С. А. Балашэнка (адк. рэд.), А. В. Шыдлоўскі (нам. адк. рэд.) [і інш.]. — Мінск : БДУ, 2015. — 263 с. : іл.
2. Юрыдычны факультэт. Гісторыя. Сучаснасць. Імёны / Адк. рэд. С. А. Балашэнка. — Мн.:БДУ, 2004. — 134 с.