Аляксандр Мікалаевіч Шчаковіч

Аляксандр Мікалаевіч Шчаковіч (нар. 25 красавіка 1980, Дзяржынск, Мінская вобласць) — беларускі дзяржаўны службовец, прафсаюзны дзеяч.

Аляксандр Мікалаевіч Шчаковіч
кіраўнік адміністрацыі Савецкага раёна г. Мінска з 17 красавіка 2025
дэлегат Усебеларускага народнага сходу[d] з красавік 2024
Нараджэнне	25 красавіка 1980(1980-04-25) (45 гадоў) Дзяржынск, Дзяржынскі раён, Мінская вобласць, Беларуская ССР, СССР
Адукацыя	Беларускі дзяржаўны ўніверсітэт інфарматыкі і радыёэлектронікі
Месца працы	Мінскае гарадское аб’яднанне прафсаюзаў[d] Федэрацыя прафсаюзаў Беларусі Мінскі гарадскі выканаўчы камітэт
Узнагароды	Прафсаюзны знак пашаны[d] Грамата Федэрацыі прафсаюзаў Беларусі[d] Ганаровая грамата Мінскага гарадскога выканаўчага камітэта[d] Ганаровая грамата Мінскага гарадскога савета дэпутатаў[d] юбілейны медаль «115 гадоў прафсаюзнаму руху Беларусі»[d] юбілейны медаль «120 гадоў прафсаюзнаму руху Беларусі»[d]

У Вікіпедыі ёсць артыкулы пра іншых людзей з прозвішчам Шчаковіч.

Біяграфія

Нарадзіўся 25 красавіка 1980^[1] года ў Дзяржынску Мінскай вобласці. Скончыў Беларускі дзяржаўны ўніверсітэт інфарматыкі і радыёэлектронікі па спецыяльнасці «метралогія, стандартызацыя і сертыфікацыя»^[2].

Яшчэ студэнтам быў выбраны прафгрупаргам БДУІР, затым займаў пасады намесніка старшыні і старшыні прафкама студэнтаў. У 2007 годзе перайшоў у Мінскае гарадское аб’яднанне прафсаюзаў, дзе прайшоў шлях ад загадчыка арганізацыйнага аддзела да старшыні^[2].

У кастрычніку 2024 года прызначаны намеснікам старшыні Федэрацыі прафсаюзаў Беларусі^[2].

Быў членам Мінскага гарвыканкама^[1]. 17 красавіка 2025 года прызначаны кіраўніком адміністрацыі Савецкага раёна Мінска^[3].

У красавіку 2024 года быў выбраны дэлегатам на Усебеларускі народны сход 7-га склікання ад мясцовых Саветаў дэпутатаў^[4][1].

Узнагароды

Узнагароджаны «Прафсаюзным знакам пашаны», падзякай і граматай Федэрацыі прафсаюзаў Беларусі, ганаровай граматай Мінскага гарадскога выканаўчага камітэта, ганаровай граматай Мінскага гарадскога Савета дэпутатаў, юбілейнымі медалямі да 110-, 115- і 120-годдзя прафсаюзнага руху Беларусі^[2].