Аляксандр Пятровіч Жасткоў

У Вікіпедыі ёсць артыкулы пра іншых людзей з прозвішчам Жасткоў.

Аляксандр Пятровіч Жасткоў (руск.: Александр Петрович Жестков; 26 ліпеня 1922 — 27 чэрвеня 1944) — удзельнік Вялікай Айчыннай вайны і вызвалення Віцебскай вобласці ад нацысцкіх захопнікаў. Камандзір кулямётнага ўзвода, гвардыі старшы лейтэнант. Герой Савецкага Саюза (званне прысвоена 24.03.1945, пасмяротна).

Аляксандр Пятровіч Жасткоў
Дата нараджэння	26 ліпеня 1922(1922-07-26)
Месца нараджэння	Слаўцава[d], Мелянкоўскі павет[d], Уладзімірская губерня, РСФСР[d]
Дата смерці	27 чэрвеня 1944(1944-06-27) (21 год)
Месца смерці	Камары, Ноўкінскі сельсавет, Віцебскі раён, Віцебская вобласць, Беларуская ССР, СССР
Месца пахавання	Ваяводкі
Грамадзянства	СССР
Прыналежнасць	СССР
Род войскаў	пяхота
Бітвы/войны	Вялікая Айчынная вайна
Узнагароды і званні

Біяграфія

Нарадзіўся ў вёсцы Слаўцава Мелянкоўскага павета (Мелянкоўскі раён, Уладзімірская вобласць). У Чырвонай Арміі з 1940 года. З 1941 года на Калінінскім, 1-м Прыбалтыйскім і 3-м Беларускім франтах.

Вызначыўся падчас Віцебска-Аршанскай наступальнай аперацыі. 23 чэрвеня 1944 г. каля вёскі Карпавічы (Сенненскі раён) узвод пад яго камандаваннем знішчыў 6 агнявых пунктаў праціўніка, фарсіраваў раку Лучоса, захапіў і утрымліваў плацдарм, забяспечыўшы пераправу палка. 24 чэрвеня 1944 г. каля вёскі Асінаўка (Віцебскі раён) узвод знішчыў 5 кулямётных пунктаў і каля 130 гітлераўцаў. 25 чэрвеня ў баі каля вёскі Камары Віцебскага раёна на працягу дня адбіў 4 контратакі праціўніка, загінуў у гэтым баі.

Пахаваны ў брацкай магіле вёскі Ваяводкі Віцебскага раёна.

Імем А. П. Жасткова ў 1985 годзе названа адна з вуліц Віцебска.

Літаратура

• Витебск: Энциклопедический справочник. / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — 60 000 экз. — ISBN 5-85700-004-1