Аляксандр Пятровіч Косцераў

Аляксандр Пятровіч Косцераў (нар. 2 верасня 1950, в. Ржаўцы, Шклоўскі раён, Магілёўская вобласць) — беларускі пісьменнік, гісторык. Кандыдат гістарычных навук (1985), дацэнт (1997)^[1].

Аляксандр Пятровіч Косцераў
Дата нараджэння	2 верасня 1950(1950-09-02) (75 гадоў)
Месца нараджэння	Ржаўцы, Славенскі сельсавет, Шклоўскі раён, Магілёўская вобласць, Беларуская ССР, СССР
Грамадзянства	СССР  Беларусь
Род дзейнасці	пісьменнік, гісторык
Месца працы	Слаўгарадскі райкам КПБ[d] Магілёўскі абласны камітэт КП Беларусі МДАІРА[d] Эканамічны факультэт БДУТ
Навуковая ступень	кандыдат гістарычных навук
Навуковае званне	дацэнт
Альма-матар	МДУ імя А. А. Куляшова
Член у	Саюз пісьменнікаў Беларусі
Узнагароды	грамата Міністэрства адукацыі Рэспублікі Беларусь (2010)

У Вікіпедыі ёсць артыкулы пра іншых людзей з прозвішчам Косцераў.

Біяграфія

Нарадзіўся 2 верасня 1950 года ў вёсцы Ржаўцы Шклоўскага раёна^[1].

Скончыў у 1974 годзе Магілёўскі дзяржаўны педагагічны інстытут па спецыяльнасці «Гісторыя» (кваліфікацыя «Настаўнік гісторыі і грамадазнаўства»), у 1983 годзе аспірантуру БДУ імя У. І. Леніна па спецыяльнасці «Гісторыя»^[1].

У 1974—1985 гадах працаваў лектарам у Слаўгарадскім райкаме КПБ, у 1985—1988 гадах у Магілёўскім абкаме КПБ, у 1989—1998 гадах выкладаў у Магілёўскім абласным інстытуце ўдасканалення настаўнікаў, дацэнт, з 1998 года на кафедры гуманітарных дысцыплін эканамічнага факультэта Магілёўскага дзяржаўнага ўніверсітэта харчавання.^[1]

Член Магілёўскага абласнога аддзялення праўладнага Саюза пісьменнікаў Беларусі^[2] з 2005 года^[1].

Жыве ў горадзе Магілёве^[3].

Навуковая дзейнасць

Навуковыя інтарэсы: Беларусь напярэдадні і ў пачатковы перыяд Вялікай Айчыннай вайны^[1].

Узнагароды

Грамата Міністэрства адукацыі Рэспублікі Беларусь (2010), юбілейныя медалі «60 год вызвалення Беларусі ад нямецка-фашысцкіх захопнікаў» (2005), «65 год вызвалення Беларусі ад нямецка-фашысцкіх захопнікаў» (2010)^[1].

Бібліяграфія

• «Бессмертный подвиг защитников Могилева летом 1941 года» (Могилев, 2004)
• «Великая Отечественная война советского народа (в контексте Второй мировой войны): конспект лекций» (Могилев, 2006)
• «Основы идеологии белорусского государства: конспект лекций для студентов всех специальностей дневной и заочной формы обучения» (Могилев, 2009)
• «Оборонительные бои на могилевском направлении летом 1941 года: монография» (Минск, 2010)
• «Живая память о войне: воспоминания участников и свидетелей событий Великой Отечественной войны: в 2 кн.» (Могилев, 2012)

Зноскі

1. Старонка на сайце базы даных «Вучоныя Беларусі»
2. Могилевское областное отделение | Общественное объединение "Союз писателей Беларуси" (руск.). old.oo-spb.by. Праверана 3 студзеня 2024.
3. Таленты ад роднай зямлi (нявызн.). catalog.library.mogilev.by. Праверана 5 студзеня 2024.