Славенскі сельсавет (Шклоўскі раён)

У паняцця ёсць і іншыя значэнні, гл. Славенскі сельсавет.

Славе́нскі сельсавет — адміністрацыйна-тэрытарыяльная адзінка ў складзе Шклоўскага раёна Магілёўскай вобласці Беларусі. Цэнтр — аграгарадок (да 2011 года вёска^[1]) Малыя Славені.

Славенскі сельсавет
Краіна	Беларусь
Уваходзіць у	Шклоўскі раён
Уключае	18 населеных пунктаў
Адміністрацыйны цэнтр	Малыя Славені
Дата ўтварэння	20 жніўня 1924
Насельніцтва (2019)	1 292
Часавы пояс	UTC+03:00
Код аўтам. нумароў	6

Гісторыя

Утвораны 20 жніўня 1924 года як Славенскі (Вялікаславенскі) сельсавет у складзе Копыскага раёна Аршанскай акругі БССР. Цэнтр — вёска Вялікія Славені. Пасля скасавання акруговай сістэмы 26 ліпеня 1930 года ў Копыскім раёне БССР. З 8 ліпеня 1931 года ў складзе Шклоўскага раёна БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Мікіцініцкага сельсавета^[2]. 11 сакавіка 1960 года да сельсавета далучана частка скасаванага Гарадзецкага сельсавета (9 населеных пунктаў: вёскі Валосавічы, Гоцішча, Залешча, Кучарына, Любінічы, Ржаўцы, Сасноўка, Стараселле і пасёлак Любінічы)^[3]. У сакавіку 1977 года скасавана вёска Зароўе^[4]. Да 2005 года цэнтр сельсавета перанесены ў вёску Малыя Славені. 22 лютага 2012 года ў склад Александрыйскага сельсавета перададзены 2 населеныя пункты (вёскі Новыя Стайкі і Старыя Стайкі)^[5].

Насельніцтва

Насельніцтва сельсавета паводле перапісу 2009 года (20 населеных пунктаў) — 1953 чалавекі^[6], з іх 95,8 % — беларусы, 3,0 % — рускія, 0,9 % — украінцы^[7]; паводле перапісу 2019 года (18 населеных пунктаў) — 1292 чалавекі^[8].