Аляксандр Сцяпанавіч Краўчук

У Вікіпедыі ёсць артыкулы пра іншых людзей з прозвішчам Краўчук.

Аляксандр Сцяпанавіч Краўчук (нар. 9 лютага 1969, Мінск) — беларускі спецыяліст у галіне механікі дэфармуемага цвёрдага цела. Доктар фізіка-матэматычных навук (Расія, 2004; Беларусь, 2005), кандыдат тэхнічных навук (1994), дацэнт (2005), прафесар.

Аляксандр Сцяпанавіч Краўчук
Дата нараджэння	9 лютага 1969(1969-02-09) (56 гадоў)
Месца нараджэння	Мінск, Беларуская ССР, СССР
Месца працы	Беларускі дзяржаўны эканамічны ўніверсітэт механіка-матэматычны факультэт БДУ БНТУ Інстытут надзейнасці машын НАН Беларусі
Навуковая ступень	доктар фізіка-матэматычных навук (2004) і кандыдат тэхнічных навук (1994)
Навуковае званне	прафесар
Альма-матар	БДУ (1991)

Біяграфія

Скончыў Беларускі дзяржаўны ўніверсітэт (спецыяльнасць «Матэматыка», 1991), Інстытут надзейнасці машын АН Беларусі (аспірантура, спецыяльнасць «Дынаміка, трываласць машын, прыбораў і апаратуры», 1994), Беларускую дзяржаўную політэхнічную акадэмію (дактарантура, 2000).

Працаваў у Інстытуце надзейнасці машын АН Беларусі (1991—1997), Беларускім нацыянальным тэхнічным універсітэце (1997—2008), Беларускім дзяржаўным універсітэце (з 2008, механіка-матэматычны факультэт, кафедра бія- і нанамеханікі, прафесар). З 2020 года прафесар кафедры эканамічнай інфарматыкі БДЭУ^[1].

Навуковыя інтарэсы: механіка; вылічальная матэматыка.

Зноскі

1. Кравчук Александр Степанович