Аляксей Георгіевіч Шэін

У Вікіпедыі ёсць артыкулы пра іншых людзей з прозвішчам Шэін.

Аляксей Шэін (13 ліпеня 1976, Мінск) — беларускі пісьменнік, журналіст, грамадскі дзеяч.

Аляксей Георгіевіч Шэін
Род дзейнасці	палітык, журналіст, пісьменнік
Дата нараджэння	13 ліпеня 1976(1976-07-13) (49 гадоў)
Месца нараджэння	Мінск, Беларуская ССР, СССР
Грамадзянства	Беларусь
Альма-матар	філалагічны факультэт БДУ ліцэй БДУ
Партыя	Беларуская хрысціянская дэмакратыя Малады Фронт
Узнагароды і прэміі	Прэмія «Экслібрыс», Прэмія Еўрапейскага таварыства навуковай фантастыкі[ru]

Біяграфія

Скончыў школу з мастацкім ухілам (Гродна), філалагічны факультэт БДУ^[1].

Навучаўся ў магістратуры Еўрапейскага гуманітарнага ўніверсітэта (Вільнюс, Літва), у Haggai Institute (Hawaii, USA)^[1].

Прайшоў праграму абмена для прафесіяналаў Community Connections па тэме культуры ў Паўночнай Караліне (ЗША)^{[крыніца?]}.

Скончыў «Сцэнарную майстэрню Аляксандра Малчанава» (Масква)^{[крыніца?]}.

З’яўляецца арганізатарам курсаў беларускай мовы «Моваведа»^[1].

Адзін з заснавальнікаў Маладога Фронту. У 2000—2004 гадах з’яўляўся намеснікам старшыні МФ^[2].

У 2005—2006 — прэсавы сакратар, затым — спіч-райтар кандыдата ў прэзідэнты Аляксандра Мілінкевіча. З’яўляўся ініцыятарам правядзення кампаніі «За свабоду сумлення» (падчас кампаніі было сабрана больш за 50 000 подпісаў жыхароў Беларусі за змены ў рэлігійнае заканадаўства). Быў сустаршынёй аргкамітэту «Беларускай Хрысціянскай Дэмакратыі»^[2].

У 2015 годзе выйшаў яго дэбютны раман «Сем камянёў», які атрымаў станоўчыя водгукі крытыкаў^[3] і прэмію Еўрапейскага таварыства навуковай фантастыкі^[ru][⇨].

Узнагароды

• 2014 год — пераможца літаратурнага конкурсу нон-фікшн літаратуры «Экслібрыс», які праводзіўся Саюзам беларускіх пісьменнікаў. Членам міжнароднага журы конкурсу была таксама Святлана Алексіевіч (лаўрэат Нобелеўскай прэміі па літаратуры 2015 года)^[1].
• 2015 год — прэмія «Чэмпіёны грамадзянскай супольнасці» ў намінацыі «Грамадскі лідар года», як вядучы курсаў «Моваведа». Прэмія ўручаецца Асамблеяй няўрадавых дэмакратычных арганізацыяў^[3].
• 2017 год — узнагароджаны дыпломам «Пяцёрка лепшых беларускіх аўтараў» (штогадовая ўзнагарода Цэнтралізаванай сістэмы дзіцячых бібліятэк Мінска)^[4].
• 2017 год — адзначаны Еўрапейскім таварыствам навуковай фантастыкі за лепшы літаратурны дэбют, за кнігу «Сем камянёў». Прэмія штогод уручаецца прадстаўнікамі Таварыства на «Eўраконе^[ru]» — еўрапейскім кангрэсе навуковай фантастыкі, які ў 2017 годзе прайшоў у нямецкім Дортмундзе^[5].

Бібліяграфія

• Сем камянёў / Аляксей Шэін. — Мінск : Пазітыў-цэнтр, 2015. — 416 с. — ISBN 978-985-6983-53-8

Зноскі

1. Шэін Аляксей. Сем камянёў  (бел.). Prastora.by. Архівавана з першакрыніцы 3 красавіка 2016. Праверана 3 ліпеня 2015.
2. Анкета Свабоды. Аляксей Шэін (нявызн.). Радыё «Свабода» (19 лютага 2010). Праверана 3 ліпеня 2015.
3. Шэін Аляксей. Сем камянёў  (бел.)(недаступная спасылка). Prastora.by. Архівавана з першакрыніцы 25 чэрвеня 2015.
4. Аляксей Шэін  (бел.). www.facebook.com. Беларускі ПЭН (28 чэрвеня 2019). Архівавана з першакрыніцы 6 мая 2025. Праверана 6 мая 2025.
5. Аляксей Шэін атрымаў міжнародную прэмію за кнігу фэнтэзі  (бел.). Новы Час (21 чэрвеня 2017). Архівавана з першакрыніцы 11 лістапада 2021.