Аляксей Міхайлавіч Героеў

Аляксей Міхайлавіч Героеў (нар. 1983, г. Віцебск) — беларускі дзяржаўны службовец.

Аляксей Міхайлавіч Героеў
кіраўнік адміністрацыі Чыгуначнага раёна Віцебска[d] 2020 — 2023
старшыня Віцебскага гарадскога выканаўчага камітэта[d] з 26 верасня 2024
Папярэднік	Генадзь Генадзьевіч Сабыніч
Нараджэнне	1983 Віцебск, Віцебская вобласць, Беларуская ССР, СССР
Адукацыя	Полацкі дзяржаўны ўніверсітэт імя Ефрасінні Полацкай Акадэмія кіравання пры Прэзідэнце Рэспублікі Беларусь

У Вікіпедыі ёсць артыкулы пра іншых людзей з прозвішчам Героеў.

Біяграфія

Нарадзіўся ў 1983 годзе ў г. Віцебску. Скончыў у 2009 годзе Полацкі дзяржаўны ўніверсітэт па спецыяльнасці «прамысловае і грамадзянскае будаўніцтва», у 2014 годзе Акадэмію кіравання пры Прэзідэнце Рэспублікі Беларусь па спецыяльнасці «эканоміка і кіраванне на прадпрыемстве прамысловасці»^[1].

З 2003 па 2017 год прайшоў працоўны шлях ад інжынера жыллёва-эксплуатацыйнага ўчастка да галоўнага інжынера Віцебскай гарадской жыллёва-камунальнай гаспадаркі. У 2017—2018 гадах працаваў намеснікам старшыні Віцебскага райвыканкама^[1].

З 2018 па 2020 год — першы намеснік главы адміністрацыі Кастрычніцкага раёна г. Віцебска, затым да 2023 года ўзначальваў адміністрацыю Чыгуначнага раёна г. Віцебска^[1].

Са студзеня па верасень 2023 года — старшыня камітэта па архітэктуры і будаўніцтве Віцебскага аблвыканкама. З верасня 2023 года — намеснік старшыні Віцебскага абласнога выканаўчага камітэта^[1].

З 26 верасня 2024 года старшыня Віцебскага гарвыканкама^[2].