Генадзь Генадзьевіч Сабыніч

Генадзь Генадзьевіч Сабыніч (1973, Шунеўцы, Глыбоцкі раён, Віцебская вобласць, Беларуская ССР) — беларускі дзяржаўны дзеяч, старшыня Віцебскага райвыканкама (2015 — 2023). Старшыня Віцебскага гарадскога выканаўчага камітэта (2023—2024).

Генадзь Генадзьевіч Сабыніч
Старшыня Віцебскага раённага выканаўчага камітэта з 2015
Папярэднік	Руслан Фурашоў
Нараджэнне	1973(1973) Шунеўцы, Глыбоцкі раён, Віцебская вобласць, Беларуская ССР
Адукацыя	Беларуская дзяржаўная сельскагаспадарчая акадэмія Акадэмія кіравання пры Прэзідэнце Рэспублікі Беларусь
Узнагароды

Біяграфія

У 1995 г. скончыў Беларускую дзяржаўную сельскагаспадарчую акадэмію па спецыяльнасці «Механізаванне сельскай гаспадаркі». Свой працоўны шлях Генадзь Сабыніч пачынаў на пасадзе інжынера па укамплектаванню тэхнікі ў калгасе «Парыжская камуна» Глыбоцкага раёна, затым быў загадчыкам майстэрнямі, з 1997 па 2001 год — галоўным інжынерам калгаса імя Чапаева гэтага ж раёна.

З 2001 па 2006 год займаў пасаду дырэктара камунальнага унітарнага сельскагаспадарчага прадпрыемства «Лукомль» Чашніцкага раёна. З 2006 па 2012 год Генадзь Сабыніч быў першым намеснікам старшыні — начальнікам упраўлення сельскай гаспадаркі і харчавання Сенненскага райвыканкама. У 2007 годзе Генадзь Генадзьевіч скончыў Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне». З 2012 па 2015 год займаў пасаду намесніка старшыні камітэта па сельскай гаспадарцы і харчаванні Віцебскага аблвыканкама, вёў пытанні механізацыі і сельскагаспадарчай перапрацоўкі. З 2015 па 2023 год старшыня Віцебскага раённага выканаўчага камітэта^[1].

З верасня 2023 года займаў пасаду старшыні Віцебскага гарвыканкама^[1]. З 12 жніўня 2024 года першы намеснік старшыні Віцебскага аблвыканкама^[2].

Узнагароды

• Медаль «За працоўныя заслугі» (28 чэрвеня 2021)^[3].

Зноскі

1. Геннадий Сабынич согласован на должность председателя Витебского городского исполнительного комитета | Витебский Районный Исполнительный Комитет (нявызн.). vitebsk.vitebsk-region.gov.by. Праверана 26 верасня 2024.
2. Лукашенко согласовал назначение первого зампредседателя Витебского облисполкома и глав четырех райисполкомов (руск.)  (нявызн.) ?. belta.by (12 жніўня 2024). Праверана 26 верасня 2024.
3. Указ Прэзідэнта Рэспублікі Беларусь ад 28 чэрвеня 2021 г. № 245 «Аб узнагароджанні» // Нацыянальны прававы інтэрнэт-партал Рэспублікі Беларусь, 30 чэрвеня 2021. (бел.)