Аляксей Якаўлевіч Міхальчанка

Аляксей Якаўлевіч Міхальчанка (нар. 13 кастрычніка 1973, Полацк, Віцебская вобласць, БССР, СССР) — беларускі журналіст, прапагандыст і тэлевядучы.

Аляксей Якаўлевіч Міхальчанка
Род дзейнасці	тэлевядучы
Дата нараджэння	13 кастрычніка 1973(1973-10-13) (51 год)
Месца нараджэння	Полацк, Віцебская вобласць, Беларуская ССР, СССР
Месца працы	Агульнанацыянальнае тэлебачанне

У Вікіпедыі ёсць артыкулы пра іншых людзей з прозвішчам Міхальчанка.

Біяграфія

У 2000 годзе пачаў тэлевізійную кар’еру на рэгіянальным тэлеканале^[1]. З 2004 года працаваў на дзяржаўным тэлеканале «АНТ» у якасці пазаштатнага карэспандэнта. У 2005 годзе пераехаў у Мінск працаваць у штаб-кватэру «АНТ». Міхальчанка вядомы як аўтар тэлеперадачы «руск.: Как есть, так есть» (Як ёсць, так ёсць).

У 2012 годзе быў кандыдатам на выбарах у ніжнюю палату беларускага парламента, але не быў абраны^[2].

Санкцыі ЕС

У 2011 годзе, пасля хвалі рэпрэсій, якая рушыла ўслед за прэзідэнцкімі выбарамі 2010 года, Міхальчанка разам з іншымі супрацоўнікамі і топ-менеджарамі буйных дзяржаўных СМІ стаў суб’ектам забароны на паездкі і замарожвання актываў Еўрапейскім Саюзам як частка Чорнага спіса Еўрасаюза^[3].

Згодна з рашэннем Савета ЕС ад 15 кастрычніка 2012 года тэлеперадача «руск.: Как есть, так есть» была ахарактарызавана як інструмент прапаганды ў Беларусі, які падтрымлівае і апраўдвае рэпрэсіі супраць дэмакратычнай апазіцыі і грамадзянскай супольнасці, якія сістэматычна асвятляюцца ў негатыўнай і зневажальнай форме з выкарыстаннем фальсіфікаванай інфармацыі, у той час як Міхальчанка стаў асабліва актыўны на гэтай ніве пасля разгону Плошчы 2010 і наступных пратэстаў^[4].

У 2014 годзе Міхальчанка выйграў працэс у судзе агульнай юрысдыкцыі ЕС  (укр.) і здолеў дамагчыся адмены санкцый супраць яго па працэсуальных прычынах. Суд  (укр.), аднак, пацвердзіў, што шоу Міхальчанкі было часткай прапагандысцкай машыны рэжыму Лукашэнкі^[5].

Асабістае жыццё

Жанаты, мае сына^[1].

Зноскі

1. От оппонента слышу! Архівавана 27 жніўня 2021. — Максим Иващенко, БелГазета, 02.04.2012
2. Як ёсць, так ёсць: каб пракінуць Міхальчанку, амаль 5 тысяч чалавек «прагаласавалі на даму» — Наша Ніва, 26.09.2012
3. Поўны спіс 208 беларускіх чыноўнікаў, якім забаронены ўезд у ЕС (нявызн.). Наша Ніва (11 кастрычніка 2011). Архівавана з першакрыніцы 22 кастрычніка 2017.
4. Council Decision 2012/642/CFSP of 15 October 2012 concerning restrictive measures against Belarus (англ.).(недаступная спасылка)
5. Ruhain, Vital. Will Belarus oligarchs follow suit after Mikhalchanka's win over EU? (англ.). Еўрапейскае радыё для Беларусі (25 верасня 2014). Праверана 3 лістапада 2017.