Аляксей Яроменка

Аляксей Яроменка — беларускі архітэктар, даследчык архітэктуры.

Аляксей Яроменка
Грамадзянства	Беларусь
Альма-матар	архітэктурны факультэт БНТУ (1989)
Месца працы	Белрэстаўрацыя Мінскпраект

У Вікіпедыі ёсць артыкулы пра іншых людзей з прозвішчам Яроменка.

Біяграфія

У 1989 г. скончыў архітэктурны факультэт Беларускага політэхнічнага інстытута. Пранаваў у ВА «Белрэстаўрацыя», ДПІ «Мінскпраект», творчых майстэрнях пры Саюзе архітэктараў Беларусі^[1].

Жыве ў Мінску^[1].

Творчасць

Большасць работ зроблена ў галіне культавага дойлідства, рэстаўрацыі і рэканструкцыі сакральных аб’ектаў. Аўтар праектаў культавых збудаванняў у Бабруйску, Бараўлянах, в. Браздзечына, Мінску, Слуцку, в. Цэнтральнай, капліцы Божай Міласэрнасці на Паўночных могілках ля вёскі Якубовічы Мінскага раёна^[2] і інш. Аўтар праекта аднаўлення касцёла Святога Станіслава ў вёсцы Прасці Нясвіжскага раёна^[3]. Займаецца выяўленнем і фіксацыяй руінаў раней не даследаваных культавых аб’ектаў^[1].

Лаўрэат міжнародных і рэспубліканскіх архітэктурных конкурсаў^[1].

Бібліяграфія

• Каталіцкія святыні : Мінска-Магілёўская архідыяцэзія / [працавалі: Б. Лані, У. Трацэўскі ; тэкст і фота А. Яроменкі]. — Мінск : Про Хрысто, 2003. — ISBN 985-6628-38-5

Зноскі

1. Кароткая біяграфія Архівавана 21 кастрычніка 2021. пад артыкулам ў часопісе «Наша вера» № 2 (60) 2012
2. НЕАГОТЫКА: ПАГЛЯДЗІЦЕ, ЯКАЯ КАПЛІЦА МОЖА З'ЯВІЦЦА НА МОГІЛКАХ У МІНСКУ. Чэрвень 9, 2020
3. Асвячэнне касцёла св. Станіслава адбылося ў вёсцы Прасці