Аліна Арлова

Аліна Арлова (літ.: Alina Orlova; * 28 чэрвеня 1988, Вісагінас, сапраўднае прозвішча Арлоўская) — літоўская спявачка. Спявае песні на літоўскай, рускай, англійскай мовах. Акрамя ўласных песень, таксама выконвае кавер-версіі песень замежных выканаўцаў (ДДТ, Moby ды інш.).

Аліна Арлова
літ.: Alina Orlova
Асноўная інфармацыя
Імя пры нараджэнні	руск.: Алина Орловская літ.: Alina Orlovskaja
Дата нараджэння	28 чэрвеня 1988(1988-06-28) (37 гадоў)
Месца нараджэння	Вісагінас, Ігналінскі раён, Літоўская ССР, СССР[1]
Краіна	Літва
Музычная дзейнасць
Прафесіі	спявачка
Гады актыўнасці	з 2005
Інструменты	фартэпіяна
Жанры	фолк-поп, інды-фолк, альтэрнатыўны фолк, барока поп
Узнагароды	Steppenwolf Award[d]
Медыяфайлы на Вікісховішчы
Аліна Арлова на MySpace

У Вікіпедыі ёсць артыкулы пра іншых людзей з прозвішчам Арлова.

Біяграфія

Бацька спявачкі па паходжанні паляк, які нарадзіўся ў Літве. Маці нарадзілася ў Варонежы (Расія). Калі бацькі былі маленькімі, іхнія сем'і пераехалі ў Казахстан. Там яны пражывалі ў адным доме па суседзтву, будучыя бацькі Аліны пасябравалі, потым ажаніліся і вырашылі паехаць у Літву^[2]. Аліна скончыла літоўскую школу ў Вісагінасе^[2]. Яна мае малодшага брата.

Творчасць

Прэзентацыя дэбютнага альбома «Laukinis šuo dingo» (літ.: Дзікі сабака дынга) у Літве адбылася ў студзені 2008 года — ў касцёле Св. Кацярыны. Гэтае выступленне трансліравалася па літоўскаму тэлебачанню. Назва пласцінкі пазычана ў аднайменнага твору Рувіма Фраермана, аднак у назве прысутнічае гульня слоў: яе дакладны пераклад з літоўскае — «Дзікі сабака знік» (тады як назва кнігі Фраермана правільна па-літоўску гучыць як Laukinis šuo dingas). Жанр песень Арловай брытанскі музычны крытык вызначыў як «бадзера-пануры балтыйскі фольк-поп»^[3], а рускі — як псіхафольк^[4]. У Маскве канцэрт-прэзентацыя адбыўся 5 мая ў клубе «Апельсин».^[5] У Расіі пласцінка выйшла пад лэйблам «Снегири». Праз тры тыдні адбыліся аншлагавыя выступленні спявачкі ў Ліверпуле (28 мая) і Лондане (29 мая) ^[6]

У лістападзе таго ж года сваім выступленнем Аліна Арлова закрывала кіеўскі фестываль незалежнай музыкі Moloko Music Fest.^[7]

У лютым 2010 на расійскім партале openspace.ru была прэзентаваная новая песня «Чудеса».^[8] У чэрвені Аліна выступіла на літоўскім фестывалі Be2gether. Яе выступленне асноўвалася на песнях, падрыхтаваных для новага альбома. У тым жа годзе французскі інды-лэйбл «Fargo Music» выдаў дэбютнік у краінах Заходняй Еўропы.^[9]

1 ліпеня 2010 года ў Вільнюсе адбылася прэзентація альбома «Mutabor»

Дыскаграфія

• «Laukinis šuo dingo» (2008)
• «Mutabor» (2010)
• «88» (2015)
• «Daybreak» (2018)
• «Laumžirgiai» (2022)

Зноскі