Амар аль-Хакім

Амар аль-Хакім (араб. عمار الحكيم‎; нар. 1971, Эн-Наджаф) — кіраўнік Вышэйшага ісламскага савета Ірака.

Амар аль-Хакім
Дата нараджэння	28 ліпеня 1971(1971-07-28) (54 гады)
Месца нараджэння	Эн-Наджаф, Наджаф[d], Ірак
Грамадзянства	Ірак
Адукацыя	Кумскі ўніверсітэт[d]
Веравызнанне	іслам
Партыя	National Iraqi Alliance[d]
Род дзейнасці	палітык, клірык
Медыяфайлы на Вікісховішчы

Біяграфія

Нарадзіўся ў 1971 годзе ў горадзе Эн-Наджаф. У 1979 годзе пакінуў краіну разам са сваім бацькам Абдул Азізам аль-Хакімам, які падвергнуўся пераследам з боку службаў бяспекі ўрада Садама Хусейна. Вучыўся ў Вашынгтоне і ў Куме^[1].

На Амара аль-Хакіма было здзейснена некалькі замахаў^[1]. У лютым 2007 года ён быў затрыманы амерыканскімі вайскоўцамі пры вяртанні з Ірана^[2].

Ва ўмовах палітычнага крызісу і тэрарыстычнай пагрозы ў Іраку 1 чэрвеня 2013 года Амар аль-Хакім арганізаваў у сваім доме сустрэчу прэм’ер-міністра краіны Нуры аль-Малікі і спікера парламента Асама ан-Нуджэйфі, накіраваную, у прыватнасці, на нармалізацыю адносін паміж двума лідарамі дзяржавы^[3]. Раней, у красавіку 2013 года, ан-Нуджэйфі заклікаў аль-Малікі сысці ў адстаўку^[4].

У чэрвені 2014 года аль-Хакім заснаваў ваенізаваную арганізацыю «Сарая Ашура». На 2016 год у яе ўступіла ад трох да пяці тысяч чалавек^[5]. Групоўка вяла барацьбу з паўстанцкім рухам сунітаў, а затым з ІДІЛ^[6].

Падчас парламенцкіх выбараў 2018 года стаў заснавальнікам кааліцыі «Аль-Хікма»^[7].

Сям’я

Жанаты, мае пецярых дзяцей^[1].

Зноскі

1. Биография Аммара аль-Хакима Архівавана 7 чэрвеня 2013 года. на сайте Высшего исламского совета Ирака isci-iraq.com.
2. «Аль-Хаким заявил, что американские военные оскорбляли его при обыске» Архівавана 6 сакавіка 2016. — статья на сайте izvestia.ru
3. «Iraqi political and religious leaders meet in bid to curb of violence» Архівавана 28 чэрвеня 2013. / Аль-Арабия (англ.)
4. «Спикер парламента Ирака потребовал отставки правительства и проведения досрочных выборов» Архівавана 1 чэрвеня 2013. // ИТАР-ТАСС, 29.04.2013 (руск.)
5. Soutien à Bachar al-Assad: la milice chiite irakienne Saraya Ansar al-Aqeeda favorable à l’envoi de troupes en Syrie Архівавана 31 жніўня 2017.
6. Database: Identifiers of Designated Islamic Terrorist Organizations — Saraya Ashura
7. Ammar al-Hakim announces the break with the legacy of the Supreme Islamic Council. Asharq al-Awsat. 2017-07-26. Праверана 2018-01-02.