Амгуэма

Амгуэ́ма (руск.: Амгуэ́ма^[2], чук.: Оʼмваам) — рака на Далёкім Усходзе Расіі, у Чукоцкай аўтаномнай акрузе. Упадае ў Чукоцкае мора.

Амгуэма
руск. Амгуэма, чук. Оʼмваам
Характарыстыка
Даўжыня	498 км
Басейн	28 100 км²
Расход вады	285[1] м³/с (у вусці)
Вадацёк
Выток
• Месцазнаходжанне	Чукоцкае нагор’е
• Каардынаты	67°48′56″ пн. ш. 177°24′05″ у. д.HGЯO
Вусце	Чукоцкае мора
• Вышыня	0 м
• Каардынаты	68°15′26″ пн. ш. 177°25′25″ з. д.HGЯO
Размяшчэнне
Водная сістэма	Чукоцкае мора
Краіна	Расія
Рэгіён	Чукоцкая аўтаномная акруга
Код у ДВР	19030000112119000087564
выток вусце
— выток, — вусце
Медыяфайлы на Вікісховішчы

Даўжыня ракі 498 км. Плошча вадазбору 28 100 км². Сярэдні расход вады 295^[2] м³/с (285 м³/с у вусці^[1]). Сярэдні аб’ём сцёку 8,995^[1] км³/год. Выток ракі знаходзіцца на Чукоцкім нагор’і, у самай высокай частцы Чукоцкага хрыбта^[1]. У верхнім цячэнні тыповая горная рака з парогамі, месцамі працякае ў каньёнах. У сярэднім цячэнні перасякае міжгорную Амгуэмскую ўпадзіну. У ніжнім цячэнні працякае па Ванкамерскай нізіне з вялікай колькасцю азёр і праток. Упадае, утвараючы дэльту, у мелкаводную лагуну Амгуэмы, аддзеленую ад Чукоцкага мора касой Двух Пілотаў. Замярзае ў верасні, вызваляецца ад лёду ў канцы мая.

Асноўны прыток — рака Экітыкі^[1]. Сярод прытокаў: Камянушка, Кальцоўка, Цёплая, Пакемельскуэргын, Гітленумкывеем, Пясчанка, Кунтанайваам, Вілюйка, Ірвынейвеем, Лынкынейвеем, Арэнайваам, Венілетвээм, Гытхытхвэвуваам, Мараваам, Эквіятап, Кнурваам, Анурэркууль і інш.^[3] На вадазборы ракі больш за 6500 азёр агульнай плошчай 392,5 км²^[1]. Каля правага берага ракі знаходзіцца чукоцкае сяло Амгуэма.

Зноскі

1. Жук В. А., Антохина Е. Н. Амгуэма // Научно-популярная энциклопедия «Вода России» (руск.)
2. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 25. — 538 с. — 100 000 экз. (руск.)
3. Река Амгуема (Омваам, в верховье Вульвывеем) // Государственный водный реестр РФ (руск.)