Амхарафобія

Амхарафобія^[1] — нянавісць, дыскрымінацыя і прадузятасць у дачыненні да народа амхара.

Гістарычна такая пазіцыя моцная ў асяроддзі некаторых тыграі і арома. Амхарафобія бярэ вытокі з часоў Эфіопскай імперыі, дзе прадстаўнікі нацыянальнасці складалі кіруючую эліту^[2]. У часы манархіі амхара навязвалі хрысціянства^[3], умацаваўшы пазіцыі Эфіопскай праваслаўнай царквы^[4], і сваю мову^[5][6][7]. Эліты іншых нацыянальнасцей сталі разглядаць амхарцаў як каланізатараў^[8]. Падчас італьянскай акупацыі Эфіопіі італьянцы выкарыстоўвалі антыамхарскую рыторыку, каб падарваць пазіцыі прыхільнікаў імператара Хайле Селасіе, паказваючы былую ўладу як каланізатараў^[9].

З 1990-х гадоў амхара сістэматычна пераследаваліся кіруючай кааліцыяй РДФЭН, большасць кіраўніцтва якой складалі тыграйцы^[10]. У дачыненні да народа ўжываліся прымусовыя перамяшчэнні, катаванні, моўная дыскрымінацыя^[11], а падчас Тыграйскай вайны 2020—2022 гадоў таксама масавыя забойствы^[12][13].