Анатоль Іванавіч Палякоў

Анатоль Іванавіч Палякоў (нар. 16 красавіка 1939, г. Барнаул, Алтайскі край, РСФСР) — беларускі архітэктар.

Анатоль Іванавіч Палякоў
Дата нараджэння	16 красавіка 1939(1939-04-16) (86 гадоў)
Месца нараджэння	Барнаул, Алтайскі край, РСФСР, СССР
Альма-матар	БПІ (1966)
Месца працы	Белдзяржпраект Белжылпраект
Член у	Беларускі саюз архітэктараў
Узнагароды

У Вікіпедыі ёсць артыкулы пра іншых людзей з прозвішчам Палякоў.

Біяграфія

Скончыў у 1966 годзе Беларускі політэхнічны інстытут. З 1966 года працаваў у Белдзяржпраекце, з 1980 года галоўны архітэктар праектаў у Белжылпраекце, з 1993 года кіраўнік творчай майстэрні.

Член Беларускага саюза архітэктараў з 1970 года. Пражывае ў Мінску.

Творчасць

Гандлёвы цэнтр у мікрараёне № 10 у Салігорску

Праект гандлёва-грамадскага цэнтра па вул. Гагарына ў Барысаве. Макет

Асноўныя працы: жылы комплекс з гандлёва-грамадскім цэнтрам^[d] па вул. Гагарына ў г. Барысаве (1973, у аўтарскім калектыве); рэканструкцыя плошчы грамадскага цэнтра з кінатэатрам «Перамога» ў г. Барысаве (1983); гандлёва-грамадскі цэнтр  (ВД) мікрараёна № 10 у г. Салігорску (1975); комплекс піянерлагераў, баз адпачынку пад в. Ракаў Валожынскага раёна (1979); рэканструкцыя квартала ў граніцах вул. Філімонава, Сталетава і канала Сляпянскай воднай сістэмы (1986); рэканструкцыя мікрараёна ў граніцах вул. Асаналіева, Каржанеўскага (1988); рэканструкцыя квартала ў граніцах вул. Р. Люксембург, Карпава, К.Лібкнехта, Лермантава (1989); рэканструкцыя квартала ў граніцах вул. Куйбышава, Камуністычнай, Максіма Багдановіча, Кісялёва (1993) — усе ў Мінску.

Узнагароды

Узнагароджаны бронзавым медалём ВДНГ СССР за рэканструкцыю квартала ў граніцах вул. Філімонава, Сталетава і канала Сляпянскай воднай сістэмы ў г. Мінску (1985).

Зноскі