Анатоль Іларыёнавіч Тоўкач

Анатоль Іларыёнавіч То́ўкач^[1] (16 чэрвеня 1929, в. Засялечча, Асіповіцкі раён, Магілёўская вобласць — 16 сакавіка 2004, Віцебск) — беларускі мастак.

Анатоль Іларыёнавіч Тоўкач
Дата нараджэння	16 чэрвеня 1929(1929-06-16)
Месца нараджэння	Засялечча, Замошскі сельсавет, Асіповіцкі раён, Бабруйская акруга, Беларуская ССР, СССР
Дата смерці	16 сакавіка 2004(2004-03-16) (74 гады)
Месца смерці	Віцебск, Віцебская вобласць, Беларусь
Грамадзянства	СССР  Беларусь
Род дзейнасці	мастак
Жанр	жывапіс і графіка
Член у	Саюз мастакоў БССР

Біяграфія

Скончыў Кастрамское мастацкае вучылішча (1956). З 1956 года працаваў на віцебскім камбінаце «Мастацтва». З 1957 года прымаў удзел у мастацкіх выставах. Член Беларускага саюза мастакоў (1964). Жыў у Віцебску.

Працаваў у станковым жывапісе і графіцы, пераважна ў жанры гарадскога пейзажа, а таксама ў акварэлі, гуашы і манументальным мастацтве.

Сярод твораў: «Дзвіна» (1957), «Віцебская суднаверф» (1960), «Беларускі пейзаж» (1961), «Горад жыве» (1962), «Віцебск» (1968), «Лёзненская вышыня» (1973), «Лучоса» (1976), «Блакітны край» (1979), «Лосвіда» (1985), «Год 1941» (1985), «Панарама Віцебска» (1993); трыпціх «Віцебск» (1978) і інш.

Працы знаходзяцца ў Нацыянальным мастацкім музеі Беларусі, фондах Беларускага саюза мастакоў, Віцебскім абласным краязнаўчым музеі.