Анатоль Аляксеевіч Баразеннікаў

У Вікіпедыі ёсць артыкулы пра іншых людзей з прозвішчам Баразеннікаў.

Анатоль Аляксеевіч Баразеннікаў (27 мая 1953(1953-05-27)^[1], Ільіч, Гомельская вобласць — 30 студзеня 2010(2010-01-30), Мінск) — беларускі скульптар.

Анатоль Аляксеевіч Баразеннікаў
Дата нараджэння	27 мая 1953(1953-05-27)[1]
Месца нараджэння	Ільіч, Журавіцкі сельсавет, Журавіцкі раён, Гомельская вобласць, Беларуская ССР, СССР
Дата смерці	30 студзеня 2010(2010-01-30) (56 гадоў)
Месца смерці	Мінск, Беларусь
Грамадзянства	Беларусь
Род дзейнасці	скульптар
Вучоба	Беларускі дзяржаўны тэатральна-мастацкі інстытут (1977)
Уплыў	Андрэй Ануфрыевіч Бембель, Анатоль Аляксандравіч Анікейчык і Генадзь Ільіч Мурамцаў
Член у	Беларускі саюз мастакоў

Біяграфія

Нарадзіўся 27 мая 1953 года ў пасёлку Ільіч Гомельскай вобласці. Скончыў Беларускі тэатральна-мастацкі інстытут у 1977 годзе. Вучыўся ў А. Бембеля, А. Анікейчыка, Г. Мурамцава. Удзельнік мастацкіх выставак з 1975 года^[2].

Член Беларускага саюза мастакоў з 1988 года. Жыў у г. Мінску^[2].

Памёр 30 студзеня 2010 года^[3].

Творчасць

Працуе ў станковай, манументальнай скульптуры. Асноўныя работы: «Гол» (камплект скульптур), «Яны адстаялі жыццё», «Мацярынства», «Яблынька»; помнік воінам і партызанам, якія загінулі ў гады Вялікай Айчыннай вайны (г. Рагачоў)^[2].

Творы знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску^[2].