Анатоль Антонавіч Рэвут

У паняцця ёсць і іншыя значэнні, гл. Рэвут (значэнні).

Анато́ль Анто́навіч Рэ́вут (30 кастрычніка 1928, г. Барысаў^[1], Беларуская ССР — 10 красавіка 2001, г. Масква, Расійская Федэрацыя) — савецкі дзяржаўны дзеяч, першы намеснік старшыні Дзяржплана СССР — Міністр СССР (1985—1989).

Анатоль Антонавіч Рэвут
Намеснік Старшыні Савета Міністраў Беларускай ССР люты 1983 — май 1985
Нараджэнне	30 кастрычніка 1928(1928-10-30) Барысаў, Менская акруга, Беларуская ССР, СССР
Смерць	11 красавіка 2001(2001-04-11) (72 гады) Масква, Расія
Месца пахавання	Траякураўскія могілкі
Партыя	КПСС
Член у	ЦК КПСС
Адукацыя	БНТУ
Узнагароды

Біяграфія

У 1952 годзе скончыў Беларускі політэхнічны інстытут.

• 1952—1958 гг. — старшы майстар Мінскага прыборабудаўнічага завода імя У. І. Леніна; затым галоўны інжынер МТС у Слуцкім раёне Мінскай вобласці, старшы інжынер Мінскага абласнога ўпраўлення сельскай гаспадаркі.
• 1958—1962 гг. — на Мінскім заводзе лічыльных машын імя Г. К. Арджанікідзэ: старшы майстар, начальнік цэха, галоўны тэхнолаг, намеснік дырэктара.
• 1962—1966 гг. — начальнік аддзела Дзяржплана БССР.
• 1966—1970 гг. — дырэктар Мінскага прыборабудаўнічага завода.
• 1970—1974 гг. — дырэктар Мінскага завода электронных вылічальных машын.
• 1974—1975 гг. — другі сакратар Мінскага гаркама КП Беларусі.
• 1975—1983 гг. — Першы намеснік Міністра радыёпрамысловасці СССР.
• 1983—1985 гг. — Намеснік Старшыні Савета Міністраў БССР, старшыня Дзяржплана БССР.
• 1985—1989 гг. — Першы намеснік старшыні Дзяржплана СССР — Міністр СССР.

Член КПСС у 1955—1991 гадах. Член ЦК КПСС у 1986—1990 гадах.

З ліпеня 1989 года — персанальны пенсіянер саюзнага значэння.

Памёр 11 красавіка 2001 года ў Маскве. Пахаваны ў Маскве на Траякураўскіх могілках.

Узнагароды і званні

Узнагароджаны ордэнам Леніна, ордэнам Кастрычніцкай Рэвалюцыі, ордэнам Працоўнага Чырвонага Сцяга. Лаўрэат Дзяржаўнай прэміі СССР.

Зноскі

1. Памяць: Гіст.-дакум. хроніка г. Барысава і Барысаўскага р-на / Рэдкал. Г. П. Пашкоў (гал. рэд.) [і інш.]. — Мн., 1997. — 712 с. — ISBN 985-11-0077-3.