Анатоль Віктаравіч Дземідовіч

У Вікіпедыі ёсць артыкулы пра іншых людзей з прозвішчам Дземідовіч.

Анатоль Віктаравіч Дземідовіч (нар. 14 студзеня 1976, в. Вялікае Сяло, Шчучынскі раён, Гродзенская вобласць) — беларускі гісторык. Спецыяліст па гістарыяграфіі культуры Адраджэння ў Вялікім Княстве Літоўскім. Кандыдат гістарычных навук (2009), дацэнт^[1].

Анатоль Віктаравіч Дземідовіч
Дата нараджэння	14 студзеня 1976(1976-01-14) (49 гадоў)
Месца нараджэння	Шчучынскі раён, Гродзенская вобласць, Беларуская ССР, СССР
Грамадзянства	Беларусь
Месца працы	Лідскі каледж Баранавіцкі дзяржаўны ўніверсітэт
Навуковая ступень	кандыдат гістарычных навук (2009)
Навуковае званне	дацэнт
Альма-матар	гістарычны факультэт ГрДУ імя Янкі Купалы (2002)

Біяграфія

Нарадзіўся 14 студзеня 1976 года ў в. Вялікае Сяло Шчучынскага раёна^[1].

Скончыў у 2002 годзе гістарычны факультэт ГрДУ імя Я. Купалы, у 2007 годзе — аспірантуру. Абараніў кандыдацкую дысертацыю па тэме «Культура эпохі Адраджэння ў Вялікім Княстве Літоўскім у расійскай і беларускай гістарыяграфіі другой паловы XIX — пачатку XX ст.»^[1].

У 2002—2004 гадах працаваў настаўнікам гісторыі СШ № 16 г. Гродна. У 2004—2010 гадах выкладчык сацыяльна-гуманітарных дысцыплін Лідскага каледжа ГрДУ імя Я. Купалы. З 2010 года ў Баранавіцкім дзяржаўным універсітэце: старшы выкладчык, дацэнт кафедры сацыяльна-гуманітарных дысцыплін, загадчык кафедры педагогікі і сацыяльна-гуманітарных дысцыплін, дацэнт кафедры агульнаправавых дысцыплін і дзяржаўнага кіравання^[1].

Навуковая дзейнасць

Напрамкі даследаванняў: дарэвалюцыйная расійская і беларуская гістарыяграфія; метадалогія гістарычнай навукі і крыніцазнаўства; пытанні сацыяльна-эканамічнага, культурнага, канфесійнага развіцця ВКЛ; гісторыя сельскай гаспадаркі Беларусі; краязнаўства^[1].

Бібліяграфія

• Формирование ренессансных идей и представлений в культуре Беларуси в освещении российской и белорусской историографии (вторая половина XIX — первая треть XX века). Барановичи, 2016; 2018.