Анатоль Віталевіч Шалтанюк

Анатоль Віталевіч Шалтанюк (нар. 20 жніўня 1962, в. Ганькавічы, Пінскі раён) — беларускі гаспадарчы дзеяч, дзяржаўны службовец і дэпутат.

Анатоль Віталевіч Шалтанюк
Нараджэнне	20 жніўня 1962(1962-08-20) (63 гады) Ганькавічы, Ахоўскі сельсавет, Пінскі раён, Брэсцкая вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Шалтанюк.

Біяграфія

Нарадзіўся 20 жніўня 1962 года ў вёсцы Ганькавічы Пінскага раёна Брэсцкай вобласці^[1].

Скончыў Украінскі ордэна Дружбы народаў інстытут інжынераў воднай гаспадаркі (г. Роўна), Акадэмію кіравання пры Прэзідэнце Рэспублікі Беларусь^[1].

Працаваў старшым інжынерам планавана-вытворчага аддзела ПМК-19 трэста «Брэствадбуд» (г. Жабінка); інструктарам, другім сакратаром Жабінкаўскага райкама камсамола; сакратаром партыйнай арганізацыі калгаса «Радзіма»; намеснікам старшыні гэтага калгаса; дырэктарам ТАА «RF»; старшынёй Хмелеўскага сельсавета; старшынёй калгаса «Заветы Ільіча»; намеснікам старшыні Жабінкаўскага райвыканкама^[1].

Старшыня Жабінкаўскага раённага Савета дэпутатаў^[1].

Быў членам Савета Рэспублікі Нацыянальнага сходу Беларусі 7-га склікання^[1].

Узнагароды

Узнагароджаны ганаровымі граматамі Жабінкаўскага райвыканкама, Брэсцкага аблвыканкама, Брэсцкага абласнога Савета дэпутатаў^[1].