Анатоль Мікалаевіч Волкаў

Анатоль Мікалаевіч Волкаў (нар. 11 сакавіка 1960, Мінск) — беларускі мастак дэкаратыўна-прыкладнога мастацтва, скульптар.

Анатоль Мікалаевіч Волкаў
Дата нараджэння	11 сакавіка 1960(1960-03-11) (65 гадоў)
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	мастак-дэкаратар, скульптар
Вучоба	Беларуская дзяржаўная акадэмія мастацтваў
Уплыў	Леў Іванавіч Талбузін
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Волкаў.

Біяграфія

Нарадзіўся 11 сакавіка 1960 года ў Мінску. У 1983 годзе скончыў Беларускі тэатральна-мастацкі інстытут, дзе вучыўся ў Л. Талбузіна^[1].

З’яўляецца ўдзельнікам мастацкіх выставаў з 1982 года. З 1996 года — член Беларускага саюза мастакоў^[1].

Жыве і працуе ў Мінску^[1].

Творчасць

Анатоль Волкаў працуе ў галіне прыкладнога мастацтва (кераміка, шамот, дрэва), дэкаратыўнай скульптуры і інсталяцыі. Сярод яго вядомых керамічных кампазіцый — «Ратамка», «Бег», «Варшаўскія матывы», «Птушка», «Беларусь чарнобыльская», «Мутацыі». У скульптурнай галіне вылучаюцца творы: «Паўстанне», «Світанак», «Плач», «Постаць», «Погляд у будучыню», «Анёлы»^[1].

Вядомы таксама цыкл скульптурных пластоў «Помнікі дойлідства Беларусі» і серыя плакетак: «Святы», «Кармен», «Сон старога горада». Сярод інсталяцый вылучаюцца «Беларусь раскрыжаваная», «Пегас», «Смутак»^[1].